2 Avami 2:3 - KITABU KITAKATIFU

³ Muganda gwa vaporofeti avamenyaa ha Bezeli vazia ku Elisha, ni vamuteeva, “Ukamanyi ku Yahova azizaa kuvugura munene woovo kutura ku ivi lidiku lia lero?” Elisha yativura, “Yee, inzi manyi vulahi. Navuzwa leki kuvuli komoloma amakuva yago kalunu.”

2 Avami 2:3 ပူးပေါင်းရင်းမြစ်များ

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

2 Avami 2:5

Muganda gwa vaporofeti avamenyaa yo vazia ku Elisha ni vamuteeva, “Ukamanyi ku Yahova azizaa kuvugura munene woovo kutura ku ivi kalunu?”

2 Avami 2:7

na avaporofeti amusini vavalonda kuduuka ku mugera gwa Jorodani. Elija na Elisha vasingira ku mugera, na avoporofeti amusini yavo vasingira hahale ku kutura kuvo.

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 5:22

Gehazi yativura navoora, “Awa! Navuzwa munene wange undumi ngovolere ndi ulwene yilu vaviri ku avaporofeti, vaduuki kutura mu vigulu via Efuraimu, na yakenyi ivi umuhe vidonye viefeza 3,000 kandi zinguvu zinzesereru ziviri ziu kwigirunganyia.”

2 Avami 6:1

Lidiku lilala mulala ku muganda gwa vaporofeti gwa Elisha yalinda, vililira kuye ni vavoola, “Havundu ha komenyi haveeye hakekeeke ligali.

2 Avami 9:1

Lidiku lilala, muporofeti Elisha yalanga mulala ku vaporofeti vayaayi namuvolera, “Wetegeke na uvuguli keseve cha maguta ga muzeituni yaga mu makono googo na uzie Ramozi mu Gileadi.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Amosi 7:14

Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Vikolwa 22:3

“Inzi mbeeye Muyuda, wivulirwa Tariso lidaala lia Kilikia. Navuzwa ndavirukira mu lidaala lia Jerusalemi, ninzigizwa hasi hu mwigizi Gamalieli. Ndigizwa vulahi ligali kolonda ligali Lilaga lia avaguuga viitu. Ndihaana nu mwoyo gwosi ku Nyasaye, kuli munyi mwosi muveeye kalunu.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

1 Samweli 10:5

Ahene yaho ulazia ku kiguru cha Nyasaye mu Gibea, wa vandu va Filisitia vasoosa. Ha vwingiliru vwi lidaala, ulavugaana nu muganda gwa vaporofeti nivasulunguta kutura ku vwali ku kiguru, nivakubaa uvukana, zindumba, amarere na madungu. Valava nivavinaa kandi nivaporofetaa.

1 Samweli 19:20

Kunangwa yatuma vasaza valala kumugumira. Valora muganda gwa vaporofeti nivavina kandi niiva porofetaa harara na Samweli kuli mwimiliri wavo. Ahene yaho Roho gwa Nyasaye gwaaza ku vasaza va Saolo yatuma kandi vatanga kuvina no koporofeta.