2 Avami 2:11 - KITABU KITAKATIFU

¹¹ Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

2 Avami 2:11 ပူးပေါင်းရင်းမြစ်များ

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

2 Avami 2:1

Ing'inga yaduuka lwa Yahova yaahira Elija mwigulu ni kihuzuzi. Elija na Elisha vatanga logendo kutura Giligali.

2 Avami 6:17

Hene yaho Elisha yasaala, “O, Yahova, yigula zimoni ziu muyaayi uyu na oleke alole!” Yahova yativura lisaala lilie, kandi mutumikiri wa Elisha yahenza igulu, nalora vigulu ni vizuyi zibarasi na magare gu vulwani gu muliru goosi nigakumbirizi Elisha.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Likunula 11:12

Kunangwa avaporofeti vaviri yavo vahulira mwoyo munene kutura mwigulu nigovavoolera, “Hambi igulu yinu.” Navo vanigira mwigulu mu lilesi, avasigu vaavo nivavalolaa.