2 Avami 2:1 - KITABU KITAKATIFU

¹ Ing'inga yaduuka lwa Yahova yaahira Elija mwigulu ni kihuzuzi. Elija na Elisha vatanga logendo kutura Giligali.

2 Avami 2:1 ပူးပေါင်းရင်းမြစ်များ

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

1 Avami 19:11

Yahova yamuvolera, “Zia ichova na usingiri imbiri wange ku kiguru.” Maku Yahova yaavitira hazana yaho natuma kihuzuzi kenene chi zinguru chatandulanyia vigulu kandi nichatanyia zinyanda. Navuzwa Yahova siyaali mu kihuzuzi zana mba. Kihuzuzi chalekela kuhuuza, kandi lirova liadegera; navuzwa Yahova siyaali mu lidegera lie lirova mba.

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

2 Avami 1:18

Vindu vindi viosi vio mwami Ahazia yakola viang'odwa mu vitabu via makuva ga kale ga avami va Isiraeli.

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

Ayubu 38:1

Maku Yahova yativulira Ayubu kutura mu kiihi kenene navoora,

Luka 9:51

Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vahebraina 11:5

Kigira lisuuvira Enoka siyaakuza mba; muvogono yivwo yavugurwa na Nyasaye kutura kandi siaveeyeho nu mundu wamulola mba, kigira Nyasaye yaali namuhili muligulu. Mang'oda Matakatifu gavoora ndi, Enoka nakikiri kuvugulwa kuzia mwigulu yaali naayaanzizi Nyasaye.

Joshua 4:19

Avandu va Isiraeli vaambuka Jorodani ku lidiku lie likomi liu mweli gwukutanga, ma nivalomba hokososa ha Giligali, ha lovega lwi ivugwi lwi Lidaala linene lia Jeriko.

Joshua 5:9

Yahova yavolera Joshua, “Lidiku lia kalunu ndi, mali kutuliza zisoni ziu kuva avatugwa mu Egebeti kutura ku munyi.” Yiki nicho chagira havundu yaho ni hagulikwa Giligali kuduuka kalunu.

Likunula 11:12

Kunangwa avaporofeti vaviri yavo vahulira mwoyo munene kutura mwigulu nigovavoolera, “Hambi igulu yinu.” Navo vanigira mwigulu mu lilesi, avasigu vaavo nivavalolaa.