2 Avami 19:6 - KITABU KITAKATIFU

⁶ Isaya yatumira Hezekia makuva yaga: “Yahova akovoleraa uvuli koleka avandu va Asiria vamutihize na makuva gaavo ndi Yahova sianyala kumuhonyia.

2 Avami 19:6 ပူးပေါင်းရင်းမြစ်များ

2 Avami 18:17

Mwami wa Asiria yatuma liihi linene ligali kutura Lakishi, kwingilira Hezekia ha Jerusalemi. Liihe yili liimilirwa na vanene veve kuvita vosi vavaga. Lwa vaduuka ha Jerusalemi, vavugura inzira iyazizaa aha vayinziri vo kolomba zinguvu vayinzilira ahimbi nu mutaro goletaa amazi kutura mu lidavalia lie iluhia.

2 Avami 18:30

Kandi mutaleka amugoonye munyi musuuviri ku Yahova mba. Mutaganagana hawundi Yahova alamuhonyia, kandi aligalira liihi lia Asiria kuvula kugumira lidaala linene lienyu.

2 Avami 18:35

Ni ng'inga ki ya vanyasaye vi vivala yivi viosi avahonyia ku vivala viavo kutura kuzinguru zia Asiria? Kunangwa niki kimulombaa kuganangana ndi Yahova anyala kohonyia Jerusalemi?”

2 Avami 19:22

Nivwaha wa uganaganaa ogemehizaa no kolegeriza? Ivi umali kolegeriza nu kuvula kuhaana luyali ku inzi, Nyasaye, Mutakatifu wa Isiraeli.

2 Avami 19:5

Lwa Isaya yanyoora amakuva gu mwami Hezekia,

2 Avami 6:16

Elisha yativura navoora, “Utatia mba! Koveeye na vanyingi ku lovega lwiitu kuvita yavo avaveeye ku lovega lwavo.”

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Zaburi 74:23

Utivilira lihanzuka liu vutima lia vasigu vovo; utivilira liyoga lia vasigu vovo vazizagiliraa kokora mba.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Jeremia 42:9

Ndaavavoolera, “Yahova, Nyasaye wa avandu va Isiraeli, wa mwatuma inzi kuzia kumusaalira kuye avoora,

Lisyoma lya Jeremia 3:57

Ivi waza ahimbi lwandakwanira kandi novoora, ‘Utatia mba.’

Kyavalevi 26:8

vatano ku munyi valaguuta vasigu mia moja; kandi mia moja ku munyi valaguuta avasigu zielefu likomi, kandi avasigu vinyu valaguutwa ni kivavi.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Joshua 11:6

Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

Likunula 13:6

Chatanga konyega Nyasaye, lieta lilie, havundu ha amenyi kandi yavo avamenyaa mwigulu.