2 Avami 19:4 - KITABU KITAKATIFU

⁴ Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

2 Avami 19:4 ပူးပေါင်းရင်းမြစ်များ

Litanga 22:14

Aburahamu yagulika havundu yaho “Yahova ahaanaa.” Kandi kali kuduuka kalunu avandu vavoola, “Yahova ahaanaa ku kiguru chiche.”

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 18:13

Mu muhiga gwa komi na ine gwi liamiiha liu mwami Hezekia, Senakeribu, mwami wa Asiria yingilira madaala manene gi Ivuyuda gi zimbinga kandi nagaguuta.

2 Avami 19:16

Kalunu, O, Yahova, henza ku agekolekaa ku kunyi. Hulira ivindu yivi viosi viu mwami Senakeribu avoora kokonyega ivi, Nyasaye oveeye mwoyo.

2 Avami 19:22

Nivwaha wa uganaganaa ogemehizaa no kolegeriza? Ivi umali kolegeriza nu kuvula kuhaana luyali ku inzi, Nyasaye, Mutakatifu wa Isiraeli.

2 Avami 19:23

Watuma avatumwa vovo kunzingilira na magare googo gu vulwani gu watumikira kuguuta vigulu via Lebanoni. Wigingira kovora ndi uwene yeyo, watema nu kutuura haasi midaragwa mitambi milahi ligali, kandi waduuka mugati mwi militu.

2 Avami 19:3

Yili nilio likuva lia Hezekia yavavolera vahane ku Isaya: “Lero liveeye lidiku lio vovereri vonene ligali kunyi kohevwa amageri kandi koveeye mu zisoni zinene ligali. Koveeye kuli mukali oveeye ni inumwa, navuzwa siaveeye ni zinguru ziu kwekema umwana aduuki kwivulwa.

2 Avami 19:30

Na yavo vamenyi Ivuyuda valagasizwa mu vindu viosi, kuli misaala gihilaa imiri jajo haasi ligali mu malova nu kwama amakuyu.

2 Avami 19:31

Halava na avandu mu Jerusalemi kandi ku kiguru cha Ziyoni, avalihona kigira Yahova umali kotovola kokora makuva yaga gekoleke.

2 Avami 19:5

Lwa Isaya yanyoora amakuva gu mwami Hezekia,

2 Kyetsinyinga 32:20

Maku mwami Hezekia nu muporofeti Isaya muyaayi wa Amozi, vasaala ku Nyasaye kandi vanira kuye avakoonye.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Jeremia 23:36

Kunangwa vatazizagilira kutumikira amang'ana ‘uvuliduhu vwa Yahova,’ kigira niiva umundu woosi alatumikira, inzi ndakalombe likuva liange kuva uvuliduhu ligali kuye. Avandu vamali koleka amang'ana ga Nyasaye wavo, Nyasaye oveeye mwoyo, Yahova Wuvunyali.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Jeremia 42:9

Ndaavavoolera, “Yahova, Nyasaye wa avandu va Isiraeli, wa mwatuma inzi kuzia kumusaalira kuye avoora,

Ezekieli 36:37

Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Varumi 11:5

Kunangwa nindio kandi gaveeye ing'inga ya kalunu. Vaveeye ho vandu vakekeeke avatigaye ava Nyasaye amali kotovola kigira zimbavasi zizie.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

Joshua 14:12

Kunangwa kalunu, mbe kivala chi kiguru icha Yahova yandaga ku lidiku yilio lwa avandu vange harara ninzi kwahaana amakuva giitu. Kwakovoolera ulwene yilwo ndi ihiiri ya imindu minene ligali, avalangwa vandu va Anaki vaali yo mu madaala manene gizimbinga. Hawundi Yahova alangoonya, kuvakunga vatuli, kuli yahova yaali navooye.”

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:10

Lidiku lia lero mali kuchaya ovonene vwa mahi ga Isiraeli. Mumbe musaza mulala alwaane niinzi.”

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:45

Daudi yativura, “Ivi uzaa kunwana ni kivavi, litimu, lubanga kandi inguva; navuzwa inzi ndakulwaana mu lieta lia Yahova Wuvunyali, Nyasaye wa mahe ga Isiraeli, uwa ivi umali konyega.