2 Avami 19:23 - KITABU KITAKATIFU

²³ Watuma avatumwa vovo kunzingilira na magare googo gu vulwani gu watumikira kuguuta vigulu via Lebanoni. Wigingira kovora ndi uwene yeyo, watema nu kutuura haasi midaragwa mitambi milahi ligali, kandi waduuka mugati mwi militu.

2 Avami 19:23 ပူးပေါင်းရင်းမြစ်များ

2 Avami 18:17

Mwami wa Asiria yatuma liihi linene ligali kutura Lakishi, kwingilira Hezekia ha Jerusalemi. Liihe yili liimilirwa na vanene veve kuvita vosi vavaga. Lwa vaduuka ha Jerusalemi, vavugura inzira iyazizaa aha vayinziri vo kolomba zinguvu vayinzilira ahimbi nu mutaro goletaa amazi kutura mu lidavalia lie iluhia.

2 Avami 18:23

Ndalomba lilagana na munyi mu lieta liu munene wange, mwami wa Asiria. Ndamuha zibarasi zielefu ziviri niiva munyala konyoora avandu vanyingi kuli ndio kuniina kuzio!

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

2 Kyetsinyinga 32:17

Ibarwa yu mwami Senakeribu yang'oda yaali yukuchaya nokonyega Yahova Nyasaye wa Isiraeli ligali kandi kumutala vudamanu mbitilira. Ibarwa yavoola, “Avanyasaye vi zihiiri zie vivala vakikiri kohonyia ku avandu vaavo kutura mu zinguru ziange mba, kandi ndio Nyasaye wa Hezekia sialahonyia avandu veve kutura kuzinguru ziange.”

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Isaya 10:13

Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Isaya 10:14

Zihiiri zie kivala ziali kuli inyumba yi linyonyi, na ndavungiza uvutugi vwavo kuli amavuyu gaali ni galekeywe. Si lialiho kali lilala iliali linyala kuburuka mba, anoho iliali linyala kukunula munwa gwalio nu kunzulira!”

Isaya 10:18

Yahova aladiviza ligali militu milahi kandi milimi migunamu, galava kuli uvulwaye uvudamanu vwitaa umundu.

Danyeli 8:11

Lwononyia munene wi liihi liu mwigulu, lwigalira visiuviliru via vahaana kuye vuli lidiku, kandi nilwikiza luyali lwi Litembeli.