2 Avami 19:2 - KITABU KITAKATIFU

² Yatuma Eliakimu, munene wasingilira inyumba yu vwami, Shebina, mung'odi wi kiyaalo, kandi avasaalisi vaduukiru kuzia ku muporofeti Isaya, muyaayi wa Amozi. Vaali kandi ni viviki zinguvu zia magunia.

2 Avami 19:2 ပူးပေါင်းရင်းမြစ်များ

2 Samweli 3:31

Ahene yaho Daudi yalaga Joabu harara na avasaza vi liihi veve vosi ukutandula zinguvu, nukwivika magunia nukusiomera Abineri. Mu ing'inga yi liteevwa lia Abineri, Mwami Daudi yagenda inyima wi lisandugu.

2 Avami 12:10

Lwa valora haali ho na mabese manyingi nigaveeye mu lisandugu, mung'odi wu mwami nu Musaalisi Munene vaza kandi vavaliza mabese agaali ni galeteywi mu Litembeli ma vagaviika mu misigo.

2 Avami 18:18

Maku valanga mwami Hezekia, yaze na vavaga ku vanene veve vazia kuvaaganira. Eliakimu muyaayi wa Hilikia, uwasingilira inyumba yu vwami; Shebina, mung'odi wi kiyaalo; na Joa muyaayi wa Asafu, wasingilira vitabu vie zing'inga.

2 Avami 19:3

Yili nilio likuva lia Hezekia yavavolera vahane ku Isaya: “Lero liveeye lidiku lio vovereri vonene ligali kunyi kohevwa amageri kandi koveeye mu zisoni zinene ligali. Koveeye kuli mukali oveeye ni inumwa, navuzwa siaveeye ni zinguru ziu kwekema umwana aduuki kwivulwa.

2 Kyetsinyinga 26:22

Muporofeti Isaya muyaayi wa Amozi yang'oda vindu vindi viosi viu mwami Uzia yakola mu ing'inga yu vwamihi vwivwe.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 2:1

Yili ni likuva liovoporofeti lia Nyasaye yahaana ku Isaya, mwana wa Amozi kigira Ivuyuda na Jerusalemi:

Jeremia 19:1

Yahova yambolera nzie kugura kiju chovodohi. Yambolera kandi nzie mbuguli valala ku vakulundu va vandu kandi valala ku vasaalisi vakulundu,

Jeremia 36:24

Navuzwa umwami anoho avanene veve avaahulira amakuva yaga goosi, si vaali nuvuti kinga si vaamanyiaku liiva liosi liu vovereri mba.

Matayo 4:14

Na ndio gaduuki kuduukizwa agu muporofeti Isaya yavoola,

Luka 3:4

Nindio gang'odwa mu kitabu cho muporofeti Isaya: “Mwoyo gwu mundu mulala guhanzukaa mwigendanyama: ‘Mwetegekize inzira yu Mwami Iungikizi zinzira zizie!