2 Avami 18:8 - KITABU KITAKATIFU

⁸ Yaguuta nu kwiita Vafilisitia, kandi ni yingilira havundu hoosi aha vamenya kutura ku tudaala tokekeeke ligali kuduuka ku madaala manene gi zimbinga, komeeda ku Gaza na vivala vialio ivialikumbiriza.

2 Avami 18:8 ပူးပေါင်းရင်းမြစ်များ

1 Avami 5:4

Navuzwa kalunu Yahova Nyasaye wange umali koleta mirembe ku zinzako ziange ziosi. Simbeeye na vasigu, kandi sihaveeye ho nuvuhimwa vwu kwingilirwa mba.

2 Avami 17:9

Visiraeli vakora ivindu mu vuvisi ligali iviavula kuva vilungi ku Yahova Nyasaye wavo. Vumbaka havundu hu kusigamira misambwa mu madaala goosi, kutura ku lidaala likekeeke kuduuka ku lidaala linene kuvita goosi.

1 Kyetsinyinga 4:41

Mu ing'inga yu mwami Hezekia wi Ivuyuda, avandu vataliywi yavo, vazia Gedori ni vonogonyia amahema ga Avameuni avaari ni vamenyi yo ma vadivizwa ligali kali kuduuka lidiku lia lero. Maku vadikala yo no komenya mu vogono vwavo kigira haali ho nu vwayiru uvulahi ligali ku magondi gaavo.

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

2 Kyetsinyinga 28:18

Ku ing'inga ndala nzere avandu va Filisitia vaali nivingilira madaala gaveeye mu vireremo vie madioli kandi mu lovega lwi isavaalu wi Ivuyuda. Vaavugura madaala manene ga Bezi-shemeshi, Aijaloni, kandi Gederozi, kandi na madaala ga Soko, Timina, na Gimuzo harara na madaala gago, kandi nivamenya mu.

Isaya 14:29

Munyi avandu va Filisitia, mutasangala kigira imbimbu imukuya imali kuvunika mba. Lwa enzoka indala ikuzaa, kihirigoma kiiza mu vogono vwayo. Kihirigoma yiki, kilatera livuyu limanya lialuri enzoka yu kuburuka nu muliru.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Kwidzulitsa 2:23

Kivala chukulujinga lwinyanza ya Meditareniani choosi, avandu kutura mu kisulu cha Kerete vamenya mucho. Vaali nivamali kudiviza vandu va Aviyi avamenyaa mu cho kutura mulitanga, kandi vaali nivavugura kivala chavo choosi kuduuka mu lidaala lie isavaalu lia Gaza.

Joshua 15:47

Gaali ho madaala manene ga Ashidodi na Gaza, harara nutudaala twago twosi, nigaduukaa ku mugera ku lwako lwa Egebeti kandi kivala chu lwako lwinyanza ya Meditareniani.