2 Avami 18:5 - KITABU KITAKATIFU

⁵ Hezekia yasuuvira Yahova, Nyasaye wa Isiraeli; kunangwa sihaali ho nu mwami wundi mu Ivuyuda kuli oyo, inyima weve anoho yavo avaari imbiri weve ing'inga yeeye.

2 Avami 18:5 ပူးပေါင်းရင်းမြစ်များ

2 Avami 18:19

Mulala ku vanene va Asiria yayavavoolera ndi mwami wavo yenya kumanya ekelombaa mwami Hezekia ukwisuuvira mwene.

2 Avami 19:10

“Utaleka Nyasaye wa usuviraa akugaade nu kukulaga ndi, Jerusalemi lidaala linene sililagwa mu makono gange mba

2 Avami 23:25

Sihaaliho nu mwami wundi kuli Josia ku maziambiri, watumikira Yahova nu mwoyo gwigwe gwosi, ni zing'anagani zizie ziosi, kandi ni zinguru zizie ziosi, kandi kuhulira Lilaga liosi lia Musa; sihaava ho nu mwami kuli uyu maziambiri mba.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

2 Kyetsinyinga 20:35

Ing'inga indala mwami Jehoshafati wi Ivuyuda yalomba lihambana harara mu mwami Ahazia wa Isiraeli, uwakola vindu vinyingi vidamanu.

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Isaya 36:7

Navuzwa kali niiva mulambolera, ‘Lisuuvira lietu liveeye mu Yahova, Nyasaye wiitu,’ siaveeye Nyasaye mulala mwere wa Hezekia yononyia uvwali vwivwe na hatakatifu hehe kandi navolera avandu vi Ivuyuda na Jerusalemi ndi kuduuka vasigamiri Yahova vuzwa ha vwali vulala vweng'ine?

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!