2 Avami 18:30 - KITABU KITAKATIFU

³⁰ Kandi mutaleka amugoonye munyi musuuviri ku Yahova mba. Mutaganagana hawundi Yahova alamuhonyia, kandi aligalira liihi lia Asiria kuvula kugumira lidaala linene lienyu.

2 Avami 18:30 ပူးပေါင်းရင်းမြစ်များ

2 Avami 18:29

Amwiganihizaa muvuli koleka Hezekia amugaade. Hezekia sianyala kohonyia munyi mba.

2 Avami 18:31

Mutahulirizi ku Hezekia mba. Mwami wa Asiria amulanga muturi mu lidaala linene lienyu na mwihaane kuye aveene. Mwosi mulavugilirwa ukulia makuyu kutura ku mizabibu jenyu aveene, kandi makuyu kutura ku misaala jenyu aveene, nu kunwa amazi kutura mu vidaho vienyu aveene,

2 Avami 19:10

“Utaleka Nyasaye wa usuviraa akugaade nu kukulaga ndi, Jerusalemi lidaala linene sililagwa mu makono gange mba

2 Avami 19:22

Nivwaha wa uganaganaa ogemehizaa no kolegeriza? Ivi umali kolegeriza nu kuvula kuhaana luyali ku inzi, Nyasaye, Mutakatifu wa Isiraeli.

2 Avami 19:6

Isaya yatumira Hezekia makuva yaga: “Yahova akovoleraa uvuli koleka avandu va Asiria vamutihize na makuva gaavo ndi Yahova sianyala kumuhonyia.

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 4:2

O, munyi avandu, mulagirung'anyia uvukumi vwange kuva zisoni kuduuka ng'inga ki? Mulayaanza ivitaveeye novokonyi nukwenya iviuvugadi kuduuka ng'inga ki.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 71:11

Vavoola, “Nyasaye umuleki, gendi kumulondelere na kumugumiri; sihaveeyeho numulala wukumuhonyia.”

Zaburi 71:9

Utaasuula kalunu kigira mu vusakulu vwange mba; Utaandeka kalunu lwa mbeeye mudedekere mba.

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

Luka 23:35

Avandu vasingira ho nivahenza, lwa aviimiliri va Vayuda vamukolera kehenyahenye. Vavoola, “Yahonyia avandi, leki yehonyie umwene niiva aveeye Kristo wa Nyasaye amali kotovola.”