2 Avami 18:22 - KITABU KITAKATIFU

²² Munene wa Asiria, yaazizagilira navoora, “Anoho, munyala kumbolera ndi munyi musuuviraa mu Yahova Nyasaye winyu? Haali hu kusigamira hatakatifu kandi uvwali vwa Hezekia yononyia, lwa yavolera avandu vi Ivuyuda na Jerusalemi vasigamiri vuzwa ha vwali voveeye mu Jerusalemi heng'ine.

2 Avami 18:22 ပူးပေါင်းရင်းမြစ်များ

2 Avami 18:23

Ndalomba lilagana na munyi mu lieta liu munene wange, mwami wa Asiria. Ndamuha zibarasi zielefu ziviri niiva munyala konyoora avandu vanyingi kuli ndio kuniina kuzio!

2 Avami 19:6

Isaya yatumira Hezekia makuva yaga: “Yahova akovoleraa uvuli koleka avandu va Asiria vamutihize na makuva gaavo ndi Yahova sianyala kumuhonyia.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

2 Kyetsinyinga 32:12

Niyie uwononya hu kusigamira kandi uvwali vwa Yahova. Yavolera avandu vi Ivuyuda kandi Jerusalemi ukusigamira kandi ukuvuyiza kimuli ha vwali vulala vweng'ine.

Isaya 36:7

Navuzwa kali niiva mulambolera, ‘Lisuuvira lietu liveeye mu Yahova, Nyasaye wiitu,’ siaveeye Nyasaye mulala mwere wa Hezekia yononyia uvwali vwivwe na hatakatifu hehe kandi navolera avandu vi Ivuyuda na Jerusalemi ndi kuduuka vasigamiri Yahova vuzwa ha vwali vulala vweng'ine?

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:14

Kuduuka muvihaane vuzwa havundu harara heng'ine ha Yahova alitovola mu kivala kilala chi zihiiri zienyu aveene. Hazana yaho niho aha muhaanira visiuviliru vienyu viu kusambwa, kandi mulakolera ho goosi aga ndamulaga.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.