2 Avami 18:12 - KITABU KITAKATIFU

¹² Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

2 Avami 18:12 ပူးပေါင်းရင်းမြစ်များ

1 Avami 9:6

Navuzwa niiva ivi anoho visukululwi vivio vilaleka kononda niiva ulavula kuhulira malago ni miima ja mali kuha munyi, nukusigamira avanyasaye vandi,

2 Avami 21:8

Na niiva avandu va Isiraeli valahulira amalago gange goosi nu kugumira lilaga liosi liu mutumikiri wange Musa yavaha, ahene yaho, sindavugilira vatulizwe mu kivala cha ndaha vaguuga vaavo mba.”

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Isaya 1:19

Niiva muratia inzi, mulalia vindu vilahi vie kivala.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Livalidza 12:7

Gaveeye lugano lwa inzi molomaa nu mutumikiri wange Musa. Inzi mali kumutovola ave mwimiliri wa vandu vange Visiraeli vosi.

Kwidzulitsa 11:28

navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 34:5

Kunangwa Musa, mutumikiri wa Yahova, yakuzira yo mu kivala cha Moabu, kuli Yahova yaali navooye, galava.

Kwidzulitsa 8:20

Niiva simulahulira Yahova Nyasaye winyu, muladivizwa kuli zihiiri zia Yahova Nyasaye azizaa kudiviza lwa muva nimuzizagilira kuvaguuta.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Joshua 1:1

Inyima wi likuza lia Musa, umutumikiri wa Yahova, Yahova yamoloma ku Joshua, muyaayi wa Nuni mukonyeleri wa Musa.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?