2 Avami 18:11 - KITABU KITAKATIFU

¹¹ Mwami wa Asiria yaahira Visiraeli Asiria kuli avahambe, na valala kuvo vahevwa komenya mu lidaala linene lia Ala, avalala ahimbi nu mugera gwa Habori mu kivala cha Gozani, na vandi mu madaala manene ga Media.

2 Avami 18:11 ပူးပေါင်းရင်းမြစ်များ

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 19:11

Henza, uhuliyi amakuva ga vami va Asiria vakora ku vivala viosi, ni vavidiviza ligali.

2 Avami 21:8

Na niiva avandu va Isiraeli valahulira amalago gange goosi nu kugumira lilaga liosi liu mutumikiri wange Musa yavaha, ahene yaho, sindavugilira vatulizwe mu kivala cha ndaha vaguuga vaavo mba.”

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Isaya 10:11

Mali kudiviza lidaala linene lia Samaria, harara ni vifananyi vialio. Kandi ndakora malala mere ku lidaala linene lia Jerusalemi harara ni fananyi via vasigamira.”

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 36:2

Maku yalaga Rabishake, mwimiliri wa vatumikiri veve, atuli Lakishi azie Jerusalemi ni liihi linene lia vasikari nokoteeva mwami Hezekia yiyame ndi ugutiywi. Mwimiliri wa vatumikiri oyo yasingira kunzira aha valombi vizinguvu vayinzilira, ahimbi nakagera kaletaa amazi kutura mu lidavalia lieluhia.

Isaya 37:12

Avaguuga vange vaadiviza madaala manene ga Gozani, Harani, na Rezefa, kandi niviita avandu va Bez-edeni avaamenyaa mu Telasari, na siyaali ho kali mulala ku avanyasaye vaavo uwaali unyala kuvahonyia mba.

Isaya 7:8

Kigira ki? Kigira Siria sieveeye ni zinguru kuvita Damasiko mba, lidaala linene liacho kandi Damasiko siliveeye nizinguru kuvita mwami Rezini mba. Mu mihiga 65 Isiraeli iladivizwa ligali na silasingira kuli ihiiri mba.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Vikolwa 7:43

Munyi mwagingaa lihema liu munyasaye Moleki, kandi kifananyi che eng'ereng'ani yu munyasaye winyu Rafani. Vifananyi via mwalomba nivio via mwasigamira. Ku lwa yago, inzi ndamuhaminya muzie mu kivala ihale kuvita Babiloni kuva yo avatugwa!’