2 Avami 17:6 - KITABU KITAKATIFU

⁶ Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 17:6 ပူးပေါင်းရင်းမြစ်များ

Litanga 10:2

Vayaayi va Jafeza vaali, Gomeri, Magogi, Madai, Javani, Tubali, Mesheki na Tirasi.

1 Avami 8:46

“Lwa vandu vovo vakokolera vwoni, kigira sihaveeyeho numundu utakola vwoni, na muvutima vuvwo oleka vasigu vaovo vavaguuti, nukuvahila kuli avahambe mu kivala kindi, kali niiva kivala kindi yicho keveeye ihale,

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 18:34

Vaveeye haliha kalunu, avanyasaye va Hamazi kandi Aripadi? Vanyasaye va Sefarivaimu, Hena kandi Ava vaveeye haliha? Haveeye ho nu mundu wahonyia Samaria?

2 Avami 19:12

Vaguuga vange vadiviza madaala manene ga Gozani, Harani, Rezefa, kandi ni yiita avandu va Bez-edeni, avamenyaa mu Telasari? Avanyasaye vi zihiiri yizio sivali vanyara kuvahonyia mba.

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

1 Kyetsinyinga 5:22

Vita avanyingi ku avasigu vaavo kigira Nyasaye yavakonya mu vulwani. Na vazizagilira komenya mu kivala yicho kuduuka ing'inga ya vaahirwa komenya mu kivala chu vuhaambe.

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

Ezara 6:2

Likaratasi lialingwa lianyoreka ha Ekibatana munyumba yu vwami iyaali mu kivala cha Media. Likaratasi yili liali na mang'oda yaga:

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Isaya 10:9

Mali kuguuta amadara manene ga Kalino, Karikemishi, Hamazi, Aripadi, Samaria na Damasiko.

Isaya 13:17

Yahova avoora, “Ndasingiliza vandu vi ihiiri ya Ivaale yi Ivugwi wa Babiloni avalangwa Medesi, vazie kwingilira Babiloni. Avandu yava si valiyanzilira ifeza anoho izahabu mba.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 21:2

Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Isaya 36:17

kuduuka lwu mwami munene mwene amwidikiriza mu kivala keveeye kuli chienyu, uwi vizabibu viveeye yo viokuhaana iwaini, kandi uwi ingano eveeye yo kolomba migadi.

Isaya 36:19

Vaveeye haliha kalunu avanyasaye va Hamazi na Aripadi? Avanyasaye va Sefarivaimu vaveeye haliha? Aveeye ho nu mulala uwahonyia Samaria?

Isaya 37:18

Kunyi kwosi kwamanya O, Yahova, avami va Asiria vamala kudiviza zihiiri zinyingi nokokola vivala viavo kuva viele,

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Danyeli 5:28

PERISI livoora ligavula: vwamihi vuvwo vumali kugavulanywa kandi vumali kuhanwa ku vandu va Medisina vandu va Pasia.”

Hosea 1:4

Yahova yavolera Hosea, “Umuguriki ‘Jezireeli’ kigira ku ing'inga engekeeke ndahaana mageri ku avandu vinyumba ya Jehu kigira uvulumindi vwa yakola aha Jezireeli. Ndaheriza uvwami vwa avandu va Isiraeli.

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Hosea 1:9

Yahova yavolera Hosea, “Umuguriki sivaveeye vandu vange mba, kigira avandu va Isiraeli si vaveeye avandu vange mba, kandi Inzi si mbeeye Nyasaye wavo mba.”

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Hosea 8:8

Avandu va Isiraeli vadiviziywi. Kalunu vaveeye muzihiiri kuli kiju kitaveeye novokonyi.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Kyavalevi 26:38

Mulakuzira mu kivala chovogeni, na mulayavilwa mu kivala cha avasigu vinyu.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 30:18

mwiganihizaa havulavu ligali ndi muladivizwa. Simulamenya madiku manyingi mu kivala yicho, engereka wu mugera gwa Jorodani, icha muveeye ahimbi kwingira nokomenya mucho mba.