2 Avami 17:32 - KITABU KITAKATIFU

³² Avandu yava vasigamira Yahova kandi ni vatovora hagati haavo veene avandu vi zing'ano ziosi kutumika kuli avasaalisi va havundu hu kusigamira misambwa, kandi kuvahaanira ivisiuviliru ahene yaho.

2 Avami 17:32 ပူးပေါင်းရင်းမြစ်များ

1 Avami 12:31

Jeroboamu yumbaka kandi havundu hukusigamira kuzindongozi zie vigulu, kandi yatovola vasaalisi kutura mu zinyumba zitaveeye zie ihiiri ya Levi.

1 Avami 12:33

Ku lidiku lia 15 liumweli gwa munane, lidiku liu mwene yaali natovoli, yazia Bezeli kandi nahaana kisiuviriru ku vwali mu lisangalira Lisavo lia yatangizira vandu va Isiraeli.

1 Avami 13:31

Inyima wa vaali nivakamuyavira, muporofeti musakulu yavolera avayaayi veve, “Lwa ndikuza, mulanzaviri mu kilindwa yiki, na mulaviiki muviri gwange ahimbi nugwigwe.

1 Avami 13:33

Mwami Jeroboamu wa Isiraeli siyagirung'ana kutura kuzinzira zizie zindamanu, navuzwa yaazizagilira kovoolera avasaalisi kutura mu ihiiri yoosi kutumika ha vwali vwa yaali niyumbaka kali nivavula kutura ku vandu va Levi. Yavika amakono ku manda woosi wenya kutumika kuli musaalisi.

2 Avami 17:25

Lwa vaali ni vakitangira komenya yo, sivasigamira Yahova mba, na ndio yavatumira Zisimba ni ziita valala kuvo.

2 Avami 17:29

Navuzwa avandu vaza komenya mu Samaria velombera avanyasaye vaavo aveene, ni vavaviika hu kusigamira ha vandu va Isiraeli vaali ni vumbaka. Vuli muganda gwalomba vifananyi lugano mu madaala manene ga gwamenyaa.

2 Avami 17:33

Kunangwa vasigamira Yahova, navuzwa vasigamira kandi avanyasaye vaavo aveene kolondekana ni miima ji vivala via vaali ni vatura mu.

2 Avami 17:41

Kunangwa avandu yavo vasigamira Yahova, navuzwa vasigamira kandi ivifananyi viavo; kandi kuduuka ku lidiku linu, visukululwi viavo vizizagilira kokora malala meere.

2 Avami 23:19

Mu vuli lidaala linene lia Isiraeli, mwami Josia yasambula havundu hu kusigamira vanyasaye ha vandu vavura kumanya Nyasaye vumbaka. Vami va Isiraeli vavukiza uvutima vwa Yahova. Josia yakola ku vwali yivwo goosi aga yaali naakori mu Bezeli.

Ezara 4:2

Kunangwa vazia kolola Zerubabeli navimiliri vizihiiri ma nivavoora, “Leki kusange nimunyi mu liumbaka Litembeli. Kunyi kusigamira Nyasaye mulala mwere wa munyi musigamira, kandi kunyi kuhaana visiuviliru kuye kutura ing'inga ya Esarihadoni mwami wa Asiria yakutuma komenye hano.”

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.