2 Avami 17:20 - KITABU KITAKATIFU

²⁰ Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 17:20 ပူးပေါင်းရင်းမြစ်များ

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

2 Avami 13:3

Kunangwa Yahova yavihilirwa na Isiraeli ligali, kandi yaleka mwami Hazaeli wa Siria nu muyaayi weve Benihadadi kuguuta Isiraeli vuli ing'inga.

2 Avami 13:7

Jehoahazi siyaali na mahi gi viuma agatigala mba, ni vatali avasikari vu kunina ku zibarasi amusini, magare gu vulwani likomi kandi avasikari vo kogenda ku virenge zielefu likomi, kigira mwami wa Siria yaali ni yadiviza avandi vosi, navaduvagiraa haasi kuli luguchi.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 18:9

Mu muhiga gwa kane gwi liamiiha lia Hezekia, gwali muhiga gwa saba gwi liamiiha liu mwami Hoshea wa Isiraeli, mwami Shalimanaseri wa Asiria yingilira kulwaana Isiraeli kandi nakumbiriza Samaria.

2 Avami 21:14

Ndakaleke vandu valahononoke, kandi ndakavahaane ku vasigu vaavo, avalivaguuta nu kulanya kivala chavo.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

2 Avami 24:3

Yaga gekoleka kuli Yahova yaali nalagi, aduuki kutuliza avandu vi Ivuyuda imbiri weve kigira uvwoni vwosi vwu mwami Manase yaali ni yakola,

1 Kyetsinyinga 16:13

O, mwinye visukululwi via Aburahamu mutumikiri weve, O, munyi visukululwi va Isiraeli avatovole va Nyasaye.

Nehemia 9:2

Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Zaburi 51:13

Maku ndigiza avoni malago googo, na valagirung'ana kuivi

Zaburi 53:5

Navuzwa valatiihizwa ligali, kali kuvita kuli lwa vaali maziambiri, kigira Nyasaye alasaranyia ivigumba via avasigu va vandu veve. Nyasaye umali kuvasuura, kandi avandu va Isiraeli valavaguuta ligali.

Zaburi 80:13

Vaduvaga kivala yiki kuli zinguruvi ziu muvulimu, kandi vononyia kivala yiki kuli zinyama ziu muvulimu.

Isaya 2:6

O, Nyasaye, ivi umali koleka vandu vovo, ivisukulurwi via Yakobo! Kivala chizuuyi uvusigitiri kutura Ivugwi kandi kutura mu kivala cha Avafilisitia. Avandu valonda imiima javageni.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Jeremia 52:3

Yahova yaali nu vutima ligali navandu va Jerusalemi ni Ivuyuda, na yavakunga kutura imbiri weve. Zedekia yibaala ku mwami Nebukadineza wa Babiloni,

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Jeremia 7:15

Ndamukunga muturi imbiri wange kuli ndakunga aviiko vinyu, avandu va Isiraeli. Inzi Yahova mali kovora.”

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Hosea 12:3

Muguuga wavo Yakobo yang'usana na amwavo weve Esau malongo lwa vombi vaali nivakikiri munda mwa mama wavo. Lwa Yakobo yaviruka yalwana na Nyasaye.

Jona 1:10

Avandu yavo vaali nuvuti vonene ligali, nivamuteeva; “Ninguuva ki yiyi ya okoli?” Yavavolera ndi, yiruka kutura ku Nyasaye.

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Kwidzulitsa 11:12

Yahova Nyasaye winyu alindaa kivala yicho, kandi ahenzaa kucho kazozo kutura mulitanga liu muhiga kuduuka mu limalirika liagwo

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

Joshua 23:13

muve nilimanya ndi, Yahova Nyasaye winyu sialazizagilira kukunga zihiiri yizi ziituli lwa muvingilira mba. Nitali, valava uvuhiimwa ku munyi kuli mutego, anoho ovogo kandi vuzunu kuli kevogo cho lokova, ku migongo jinyu anoho amafwa mu zimoni zienyu. Vindu viukutihiza yivi vilazizagilira kwekoleka ku munyi kuduuka lwa mudiva kutura mu kivala kilahi yiki cha Yahova Nyasaye winyu yamuha.

Vakalagi 18:30

Avandu vihiiri ya Dani velombera vifananyi viukusigamira ha Janazani, umwana wa Gerishomu uwaali umwisukulu wa Musa, yatumika kuli umusaalisi ku avandu va Dani kandi ivisukulurwi vivie viatumika kuli avasaalisi vaavo kuduuka lwa vaahirwa mu vuhambi mukivala ekegeni.

Vakalagi 2:14

Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”

1 Samweli 15:26

Samweli yativura, “Sindirana niivi mba. Ivi wasuula malago ga Yahova, naye ukusuuye kuli mwami wa Isiraeli.”

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”