2 Avami 17:17 - KITABU KITAKATIFU

¹⁷ Vahaana avayaayi vaavo ku vanyasaye kuli visiuviliru.

2 Avami 17:17 ပူးပေါင်းရင်းမြစ်များ

1 Avami 14:15

Yahova alahaana mageri ku Kivala cha Isiraeli, kandi kiladegera kuli kidundu kedegeraa mu mugera gwa mazi. Aliiha vandu va Isiraeli vatuli mu kivala kilahi yiki cha yahaana ku vaguuga vaavo, kandi alavasalanyia ihale engereka wu mugera gwa Efurate, kigira vamali kuvukiza vutima vwivwe, ku lisigamira munyasaye wikikali Ashera.

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

2 Avami 17:31

Avandu va Ava valomba vifananyi via Nibuhazi na Taritaka; na avandu va Sefarivaimu vahaana avana vaavo kuli visiuviliru viu kusambwa ku vanyasaye vaavo Adurameleki na Anameleki.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 25:7

Navuzwa Yahova mwene avoora ndi, mwasuura kumuhulira. Mu vogono vwene yivwo, mwamukola kuva nu vutima ni vifananyi vinyu, na mulikola ndio, mumali koleta amageri geege ku munyi aveene.

Jeremia 27:9

Kunangwa mutahulirizi makuva ga avaporofeti vinyu mba, anoho avasegetiri, anoho avamaloto, anoho avakumu avavooraa muvuli kutumikira mwami wa Babiloni.

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Ezekieli 16:21

Mwasinza avana vange nimuhaana vave kuli ivisiuviliru ku ivifananyi.

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 23:37

Vamali kokora ovoheyi kandi vamali kwita. Vaakora ovoheyi ni vifananyi viavo; kali vamali kuhaana vana vange kuva visiuviliru ku vifananyi viavo.

Ezekieli 23:39

Lidiku lilala liere lia vita vana vaavo kuva kuli visiuviliru ku vifananyi viavo, vaza mu Litembeli liange nivalionogonyia! Yaga nigo agavaakola mu Litembeli liange.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Kyavalevi 19:26

“Mutalia inyama nikikirimu na masahi mba. Mutagerizi kokora vukumu vwu lugano lwosi mba.

Kyavalevi 19:31

“Mutateevi zing'anagani kutura ku avandu vaveeye nilihambana na roho midamanu ja vakuzu mba. Niiva mulakola ndio, mulava vadamanu kolondekana ni miima. Inzi mbeeye Yahova winyu.

Mika 5:12

Ndakononyie zinguru ziuvukumu zia mutumikiraa nukumuleka vugira avalaguli.

Vikolwa 16:16

Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe.

Varumi 7:14

Kumanyi ndi Lilaga liveeye lia Roho, navuzwa inzi mbeeye wi liiva lio muviri, wagerizwa kuli mutugwa ku vwoni.

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Kwidzulitsa 32:16

Lisigamira vanyasaye vandi liakendekiza Yahova, vudamanu vwavo vwakola Nyasaye kuva nu vutima.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.