2 Avami 17:16 - KITABU KITAKATIFU

¹⁶ Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 17:16 ပူးပေါင်းရင်းမြစ်များ

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

1 Avami 14:15

Yahova alahaana mageri ku Kivala cha Isiraeli, kandi kiladegera kuli kidundu kedegeraa mu mugera gwa mazi. Aliiha vandu va Isiraeli vatuli mu kivala kilahi yiki cha yahaana ku vaguuga vaavo, kandi alavasalanyia ihale engereka wu mugera gwa Efurate, kigira vamali kuvukiza vutima vwivwe, ku lisigamira munyasaye wikikali Ashera.

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

1 Avami 15:13

Yaatuliza guuku weve Maaka kutura mu vogono vwivwe kuli mwami wikikali - kigira yaali naalombi kifananyi cha manyego chu munyasaye wikikali wu lwivulu Ashera. Asa yaatemanyia kifananyi zana kandi nakisambira mu livona lia Kidironi.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

1 Avami 16:33

Yalomba kandi kifananyi chu munyasaye wikikali Ashera. Yakola vindu vi nyingi ligali kuvuukiza vutima vwa Yahova, Nyasaye wa Isiraeli kuvita vausi vandi vosi vaali imbiri weve.

1 Avami 22:53

Ahazia yasigamira nukutumikira Baali, na kuli baba weve waali imbiri weve, yavuukiza vutima vwa Yahova, Nyasaye wa Isiraeli.

2 Avami 1:2

Mwami Ahazia wa Isiraeli yaaguluka kutura munyumba yeeye yigulu yu vwami mu Samaria, ma naasalira vudamanu ligali. Kunangwa yatuma avatumwa valala kuzia koteeva Baalizebubu, munyasaye wi lidaala linene lia vandu va Filisitia, lia Ekironi niiva alahona anoho mba.

2 Avami 11:18

Hene yaho avandu va Isiraeli vazia mu litembeli lia Baali ni vasambula liosi, uvwali vwivwe vwosi, ni vifananyi vivie viosi viatanywa, kandi ni viitira Matani, musaalisi wa Baali, imbiri wu vwali. Maku Jehoyada musaalisi yavika avasikari vukulinda valindi ha Litembeli lia Yahova.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 17:10

Ku vigulu viosi kandi isi wa sa mulala ku misaala josi mivisi, vumbaka minaara ja magina kandi vifananyi viu munyasaye Ashera.

2 Avami 18:6

Yaali musuuvirifu ligali ku Yahova kandi siyamutinguha ku kali hakuzu mba, navuzwa yalonda vulahi amalago ga Yahova yaali ni yaaha Musa.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

Kutwula 32:4

Naye yavugula zinono yizio kutura mu makono gaavo, naziviika mukisambiru zisaluluki, niyitulura izahabu zana mu kelongero, nagivaaza nuluvaziru, nalomba kemoli kigiriki yizahabu. Avandu vavoola, “Isiraeli, uyu niyie munyasaye wiitu, uwakwimilira kutura Egebeti!”

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Kwidzulitsa 16:21

“Lwa mulombera Yahova Nyasaye winyu uvwali mutaviiki kifananyi chu musaala chu munyasaye wikikali Ashera ahimbi navwo mba.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.