2 Avami 17:15 - KITABU KITAKATIFU

¹⁵ Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Avami 17:15 ပူးပေါင်းရင်းမြစ်များ

1 Avami 11:11

Kunangwa Yahova yavolera Solomoni, “Kigira yili nilio liiva liilio kandi uvuli kugumira lilagana liange na malago gange, ga ndakulaga, ligali ndasa lanyia vwami vuvwo kutura ku ivi kandi mbuhaane ku mulala ku vatumikiri vovo.

1 Avami 16:13

Kigira lisigamira misambwa liavo kandi kigira vimilira Isiraeli kokora vwoni, Baasha nu muyaayi weve Ela vavuukiza vutima vwa Yahova Nyasaye wa Isiraeli.

2 Avami 17:8

ni valonda miima ja avandu ava Yahova yaali ni yakunga imbiri wa vandu va Isiraeli, no kolonda miima ja vami va Isiraeli vaali ni vatangizi.

2 Kyetsinyinga 24:19

Yahova yatuma avaporofeti kuveganihiza viirane kuye, navuzwa avandu si vamuhulira mba.

2 Kyetsinyinga 33:2

Yakola agaali gu vwoni imbiri wa Yahova, kolonda likora liu kuvihiliriza lie zihiiri zia Yahova yakunga kutura mu kivala imbiri wa vandu va Isiraeli.

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 115:8

Yavo avalomba vifananyi yivi kandi avasuuviraa muvio; vave kuli vifananyi via vamali kolomba.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Kutwula 16:28

Maku Yahova yavolera Musa, “Avandu munyi mulasuura kugumira amalago gange kuduuka ng'inga ki?

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 2:5

Yahova avoora: “Vudamanu ki vwa avaguuga vinyu vanyoola ku inzi? Ni kindiki chavakola ni vagirung'ana kutura ku inzi? Vaasigamira vifananyi viavuzwa, kandi navo vaagwa avandu vataveeye novokonyi.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 44:23

Ing'inga yiyi ikivi kimali kuduuka ku munyi kigira mwahaana visiuviliru ku avanyasaye vandi kandi mwakora uvwoni imbiri wa Yahova kulivula kutia amalago geege goosi.”

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Ezekieli 12:2

Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Ezekieli 2:3

“Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Jona 2:8

Yavo avasigamiraa vifananyi via vuzwa vamali koleka uvusuuvirifu vwavo ku ivi.

Yohana 2:8

Maku yavavolera, “Kalunu dahi ku, muhiliri munene wi lilia.” Navo vakora ndio.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Kwidzulitsa 18:10

Mutahaana avana vinyu kuva kisiuviriru chukusambwa mu muliru ku vwali vwinyu mba; kandi mutaleki avandu vinyu vakole uvusigitiri mba anoho kohenza zingavi zindamanu,

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Kwidzulitsa 32:31

Avasigu vaavo vamanya ndi, avanyasaye vaavo aveene vaveeye avadedekere sivaveeye ni zinguru kuli Nyasaye wa Isiraeli mba.

1 Samweli 12:21

Mutalondi avanyasaye vuvugadi mba; sivanyala kumukonya anoho kumuhonyia mba; kigira sivaveeye aviligali mba.