2 Avami 17:10 - KITABU KITAKATIFU

¹⁰ Ku vigulu viosi kandi isi wa sa mulala ku misaala josi mivisi, vumbaka minaara ja magina kandi vifananyi viu munyasaye Ashera.

2 Avami 17:10 ပူးပေါင်းရင်းမြစ်များ

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

2 Avami 16:4

Vuli havundu hu kusigamira misambwa, ku vigulu, kandi isi wi misaala mivisi ni ja matu manyingi, Ahazi yahaana visiuviliru kandi navuyiza vimuli.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

Kutwula 34:12

Mutahambani, na avandu vikivala cha muzizaa mu mba, kigira yaga ganyala kuva mutego gwu kwita hagati hinyu.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Isaya 57:5

Munyi musigamiraa avanyasaye vahaana ulwivulu nokokola ovoheyi isi wi misaala mitakatifu jinyu yijo. Mwitaa vana vinyu kuli visiuviliru mu zimbangaywa zie zinyanda ahimbi numugera.

Jeremia 3:6

Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Mika 5:14

Ndakasambuli misambwa ju munyasaye wikikali Ashera mu kivala chienyu nukudiviza madaala manene ginyu.

Kwidzulitsa 16:21

“Lwa mulombera Yahova Nyasaye winyu uvwali mutaviiki kifananyi chu musaala chu munyasaye wikikali Ashera ahimbi navwo mba.

Kwidzulitsa 16:22

Kandi mutasingirizi itiiru yi ligina kigira kifananyi chu kusigamira mba; Yahova Nyasaye winyu avidunyiraa.