2 Avami 16:7 - KITABU KITAKATIFU

⁷ Kunangwa Ahazi yatuma avatumwa ku mwami Tigilazi Pileseri wa Asiria navoora, “Inzi mbeeye mutumikiri woovo kandi muyaayi woovo. Hamba yinu ombonyie kutura kuzinguru ziu mwami wa Siria kandi wa Isiraeli avamali kuuza kunzingilira.”

2 Avami 16:7 ပူးပေါင်းရင်းမြစ်များ

1 Avami 20:4

Ahabu yativura, “Volera mwami wange, Benihadadi ndi inzi mbugiliyi anyala kuvugura inzi harara ni vindu viosi via mbeeye navio.”

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 18:7

Na Yahova yaali harara naye. Hoosi ha yazizaa, yagasizwaa. Yibaala ku mwami wa Asiria kandi nasuura ukwamiifwa naye.

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

2 Kyetsinyinga 28:16

Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

2 Kyetsinyinga 28:20

Kunangwa mwami Tigilazi Pileseri wa Asiria yazia kuye, navuzwa mu vogono vwo kokonya Ahazi, yaamudambiza ligali.

Isaya 2:6

O, Nyasaye, ivi umali koleka vandu vovo, ivisukulurwi via Yakobo! Kivala chizuuyi uvusigitiri kutura Ivugwi kandi kutura mu kivala cha Avafilisitia. Avandu valonda imiima javageni.

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 23:12

Oholiba yakola uvulaya vunyingi na vamiihi kandi avanene, vasikari vaali ni viviki zinguvu ziu luyali kandi na vasaza vasoleri viligondo lilahi ligali kandi avanene vi zibarasi.

Ezekieli 23:5

Kali niiva Ohola yaali mukali wange, yaazizagilira kokora uvulaya. Yakola uvulaya na vayanze veve kutura Asiria.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!