2 Avami 16:3 - KITABU KITAKATIFU

³ navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 16:3 ပူးပေါင်းရင်းမြစ်များ

1 Avami 14:24

Kwononyira ligali, kali vaali ho masaaza vaakora voheyi na vasaza vandi vaviikwa halovega vatumika havundu hukusigamira misambwa. Avandu vi Ivuyuda vaakora vindu viosi viezisoni viakolwa na avandu vosi va Yahova yaali niyakunga kutura mu kivala lwa vandu va vaisiraeli visunda vingira mu kivala chavo.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 17:19

Kali avandu vi Ivuyuda sivahulira amalago ga Yahova Nyasaye wavo; navuzwa vakora miima ja vandu va Isiraeli.

2 Avami 17:8

ni valonda miima ja avandu ava Yahova yaali ni yakunga imbiri wa vandu va Isiraeli, no kolonda miima ja vami va Isiraeli vaali ni vatangizi.

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 21:9

Navuzwa avandu vi Ivuyuda sivahulira Yahova, kandi mwami Manase yaavimilira kokora kali vwoni vwali vonene ligali kuvita uvwoni vwakolwaa ni zihiiri zindi zia Yahova yaali nakungi kutura mu kivala yicho lwa vandu veve viingira mu.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Avami 8:18

Mukali wa Jehoramu yaali mukaana wu Mwami Ahabu, kandi kuli avinyumba ya Ahabu, yalonda miima nindamanu jia va Isiraeli. Yakola uvwoni mu zimoni zia Yahova.

2 Kyetsinyinga 22:3

Ahazia yalonda liiva lia vinyumba ya Ahabu, kigira mama weve yamuha zing'anagani iziamwimilira kuduuka mu likora uvudamanu.

2 Kyetsinyinga 33:2

Yakola agaali gu vwoni imbiri wa Yahova, kolonda likora liu kuvihiliriza lie zihiiri zia Yahova yakunga kutura mu kivala imbiri wa vandu va Isiraeli.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Zaburi 106:35

Navuzwa valetana, kandi niviyigiza kokora miima jaavo.

Isaya 57:5

Munyi musigamiraa avanyasaye vahaana ulwivulu nokokola ovoheyi isi wi misaala mitakatifu jinyu yijo. Mwitaa vana vinyu kuli visiuviliru mu zimbangaywa zie zinyanda ahimbi numugera.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Ezekieli 16:21

Mwasinza avana vange nimuhaana vave kuli ivisiuviliru ku ivifananyi.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Kyavalevi 20:2

avolere Avaisiraeli ndi, “Mundu woosi, Umuisiraeli anoho mugeni omenya hagati hinyu uhaana mulala ku avana veve kutumikirwa mu lisigamirwa munyasaye ulangwa Moleki, avandu vosi vikivala yicho valamulasa na magina, aduuki kukuza.

Mika 6:7

Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange?

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Kwidzulitsa 18:10

Mutahaana avana vinyu kuva kisiuviriru chukusambwa mu muliru ku vwali vwinyu mba; kandi mutaleki avandu vinyu vakole uvusigitiri mba anoho kohenza zingavi zindamanu,