2 Avami 16:15 - KITABU KITAKATIFU

¹⁵ Maku yalanga Uria namuvolera, “Tumikira uvwali vonene vwange yivu kigira vihaanwa viu kusambwa via mugamba kandi vihaanwa viu vuswage via ha mugolova viu mwami na vandu, kandi kigira vihaanwa vie waini ya vandu. Zuka ku amasahi gi zinyama ziosi zie visiuviliru. Navuzwa undokere uvwali vwu mugasa ndumikiri kulwokoteeva amakuva kutura ku Nyasaye.”

2 Avami 16:15 ပူးပေါင်းရင်းမြစ်များ

Litanga 44:5

Yiki ni kekombe chu munene wange anweramu, kandi keveeye cha koleramu uvukumu. Mumali kokora vudamanu ligali!’ ”

1 Avami 3:4

Ku ing'inga ndala, mwami Solomoni yazia Gibeoni kuhaana visiuviliru kigira yaho niho hu vwali vonene kuvita vwosi vwukusigamira vifananyi. Yaali nahaani zimia ni zimia zie visiuviliru hene yaho maziambiri.

1 Avami 7:23

Huramu yalomba lidangi livodonganu liu mugasa, musi mwalio mwaali zimita 2.2 na vugika vwa hagati vwali zimita 4.4, no vovodong'anu nivuva zimita 13.2.

1 Avami 8:64

Lidiku lilala liere, mwami yatakasa hagati hu mugizi gwaali imbiri wi Litembeli; kigira hene yaho, yahaanira ho kihanwa chukusambwa, kihanwa chuvuswage, kandi vidonye viezitinya zie vihaanwa vie mirembe, kigira vwali vwu mugasa vwali imbiri wa Yahova vwali vokekeeke ligali, Vwavula kuva nuvwiyangu vwu kusambirala vihaanwa viosi, viuvuswage, kandi zitinya zie vihaanwa vie mirembe.

2 Avami 16:14

Uvwali vwu mugasa uvwaviikwa halovega kigira uvutumiki vwa Yahova vwali hagati hu vwali vuhia ni Litembeli, kunangwa Ahazi yavusunda ku lovega lwa ivaale wu vwali vwivwe vuhia.

2 Avami 16:16

Uria yakola kuli mwami yalaga.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 3:20

Mugamba gwalonda ku, ku ing'inga yu kuhaana visiuviliru via mugamba kuli kazozo, amazi gaaza nigagenda kutura lovega lwa Edomu nigakunika kivala choosi.

2 Kyetsinyinga 29:32

Valeta zigiriki 70, magondi 100 kandi vimeme 200, kuli vihaanwa viu kusambira Yahova.

2 Kyetsinyinga 29:35

Komeeda ku vihaanwa vinyingi ligali viu kusambwa, vialiho zitinya zie vihaanwa vie mirembe, kandi ni vihaanwa vie iwaini viazia harara ni vihaanwa viu kusambwa. Na ndio lisigamira lie Litembeli lia Yahova liatangizwa kandi.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Isaya 2:6

O, Nyasaye, ivi umali koleka vandu vovo, ivisukulurwi via Yakobo! Kivala chizuuyi uvusigitiri kutura Ivugwi kandi kutura mu kivala cha Avafilisitia. Avandu valonda imiima javageni.

Danyeli 11:31

Valala ku vasikari veve valakononyie Litembeli. Valakasingilizi visiuviliru via vuli lidiku nu kuviika ho kindu kidamanu ligali keletaa lidiviza.

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.