2 Avami 16:10 - KITABU KITAKATIFU

¹⁰ Lwu mwami Ahazi yazia Damasiko ukwagaana nu mwami Tigilazi Pileseri, yalora yo uvwali ma natumira musaalisi Uria lifana lie ligali liavwo, kali kuduuka ku livaala likekeeke ligali liavwo.

2 Avami 16:10 ပူးပေါင်းရင်းမြစ်များ

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 16:11

Kunangwa musaalisi Uria yumbaka uvwali vwafana vuzwa kuli uvwene yivu, kandi namala kuvwumbaka Ahazi nakikiri kwirana.

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

1 Kyetsinyinga 28:19

Mwami Daudi yavoola, “Yaga goosi gaveeye mu lilohizwa liang'odwa kolondekana na malago ga Yahova mwene yahaana ku inzi nduuki kokora.”

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Kutwula 24:4

Kunangwa Musa yang'oda amalago goosi ga Yahova Mugamba gwalonda ku, yumbaka uvwali havundu hi kiguru kitangiraa ma nasimika ho amagina likomi na gaviri, lilala ku vuli ihiiri ya Isiraeli.

Kutwula 39:43

Musa yaahenzeriza imiyinzi josi ma nalora ndi, vakoli kuli Yahova yalaga vakole. Kunangwa Musa yavagasiza.

Isaya 8:2

Ndavugura Uria musaalisi kandi Zakaria muyaayi wa Jeberekia, kutumika kuli avalolekizi avasuuvirifu ku inzi.”

Jeremia 10:2

Avoora, “Mutalonda zinzira ziezihiiri zindi mba; mutanyangizwa ni vindu viokogenyia vikoleka mu ligulu mba, kali niiva izihiiri zindi zitihizangwa.

Ezekieli 16:28

“Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 43:11

Niiva valava mu zisoni kigira vindu vidamanu via vamali kokora, maku, uvivaaliri lilohiza lie Litembeli. Uvamanyie lifana lialio, vwingiliru kandi litula ichova lialio, lilohiza lie vindu viosi, miima kandi amalago galio goosi. Uvang'odele vindu yivi viosi kunangwa vaduuki kolola kuli vindu viosi vialohizwa kandi vaduuki kolonda malago goosi gi Litembeli.

Ezekieli 43:8

Avandu va Isiraeli harara na vami vaavo valomba oloze lwavo kandi vigutu viavo vie miliango ahimbi no loze lwange kandi vigutu vie miliango ji Litembeli liange, kunangwa hatigale vuzwa ni lidigi hagati hange navo. Vonogonyia lieta liange Litakatifu ni vindu viu kuvihiliriza via vaakora. Ku lwayago, ndavadiviza mu vutima vwange uvululu.

Ezekieli 44:12

Navuzwa kigira vatumikira vandu va Isiraeli lwa vasigamira vifananyi, nukuvimilira mu likora uvwoni, Inzi Yahova Wuvunyali nzisuha ndi, kuduuka vanyoore amageri.

Matayo 15:6

uyu atahaana uluyali ku baba weve anoho mama weve, navio mba. Na ndio mwononyia Lilaga lia Nyasaye ku lilonda amigizu ginyu aveene.

Matayo 15:9

Lisigamira liavo liveeye lia vuzwa. Amigizu gaavo gaveeye amalago ga vandu vuzwa!’ ”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Kwidzulitsa 12:30

Inyima wa Yahova kudiviza zihiiri yizio imbiri winyu, mulole ndi muvuli kolonda miima ji zidiini ziavo, kigira yivu vulava vuhimwa. Mutageriza kwenyeleriza kumanya kuli vasigamira avanyasaye vaavo, kunangwa musigamiri munzira ndala nzere mba.

Joshua 22:28

Iganagani yitu yaali ndi niiva yaga galekoleka, visukululwi vietu vilakavoole, ‘Heenzi! Avaguuga vetu valomba uvwali vufanaa vuzwa kuli uvwali vwa Yahova Nyasaye. Sivwaali kigira lisaamba vihaanwa anoho kigira visiuviliru, navuzwa kuli kelolero ku vandu viitu kandi avienyu.’

1 Petro 1:18

Mwamanya vulahi chatungwa kumuvoholora kutura mu limenya lia vuzwa, liatura ku vaguuga vinyu. Sichali kindu kinyala kwononywa kuli ifeza ni zahabu mba.