2 Avami 15:12 - KITABU KITAKATIFU

¹² Kunangwa lilaga yili liadukizwa ilia Yahova yaali ni yalomba ku mwami Jehu: “Visukululwi vovo, kuduuka ku likula lia kane, valava avami va Isiraeli.”

2 Avami 15:12 ပူးပေါင်းရင်းမြစ်များ

2 Avami 10:10

Yaga gamanyia ndi vindu viosi via Yahova yavoola ku visukululwi va Ahabu galava agiligali. Yahova umali kokora agayasuuviriza kuvitira ku muporofeti weve Elija.”

2 Avami 10:30

Yahova yavolera Jehu, “Kigira umali kokora vulahi mu liduukiza agaveeye malahi mu zimoni ziange na okoli ku visukululwi va Ahabu viosi iviali mu mwoyo gwange, visukululwi vovo valikala ku endeve yu vwami vwa Isiraeli kuduuka ku likula lia kane.”

2 Avami 13:1

Mu muhiga gwa sirini na tatu gwu vwamihi vwa Joashi muyaayi wa Ahazia kuli mwami wi Ivuyuda, Jehoahazi muyaayi wa Jehu yagwa mwami ku Isiraeli mu lidaala linene lia Samaria. Yamiha ku mihiga komi na Saba.

2 Avami 13:10

Mu muhiga gwa salasini na saba muvwamihi vwu mwami Joashi wi Ivuyuda, Jehoashi muyaayi wa Jehoahazi yagwa mwami wa Isiraeli, kandi yamiha mu Samaria ku mihiga komi na sita.

2 Avami 13:13

Jehoashi yakuza na yavilwa mu vilindwa viu vwami vwa Samaria. Kandi muyaayi weve Jeroboamu wa kaviri yavugula ovogono vwivwe kuli mwami.

2 Avami 14:29

Jeroboamu wa kaviri yakuza kandi nayavirwa mu vilindwa viu vwami, na muyaayi weve Zakaria yavugula ovogono vwivwe kuli mwami wa Isiraeli.

2 Avami 15:11

Ivindu vindi viosi via Zakaria yakola, viang'odwa mu vitabu via makuva ga kale ga vami va Isiraeli.

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Marko 13:31

Ligulu ni lirova vilavita navuzwa amakuva gange sigalavita mba.

Yohana 10:35

Nyasaye yalanga avandu yavo, avanyasaye, avandu va yaaha likuva lilie, na kunyi kumanyi ndi Mang'oda Matakatifu gavoora agiligali kazozo, na siganyala kuvunagwa mba.

Yohana 19:24

Avasikari yavo vavolerana aveene, “Kutagitandula mba, navuzwa kukubi ikura kolole ilava ya vwaha.” Yaga gekoleka ku gave agiligali kuli gang'odwa mu Mang'oda Matakatifu: “Vagavulana zinguvu ziange, kandi vakuba ikura ku iganza yange.” Kandi nindio avasikari yavo vakora.

Vikolwa 1:16

navoora, “Avaamitu vange, Amang'oda Matakatifu genyekaa gadukizwi kuva gagiligali, aga Roho Mutakatifu yamoloma kuvitira mu Daudi, kigira Yuda uwimilira yavo avagumira Yeso.

1 Samweli 3:19

Samweli yaviruka, Yahova yaali naye kandi naakora vindu viosi via Samweli yavoola kuva vieligali.