2 Avami 14:25 - KITABU KITAKATIFU

²⁵ Yirana kuguuta kivala choosi ichalange haasi hu vwamihi vwa Isiraeli kutura Kivitiru cha Hamazi mu lovega lwi ivaale kuduuka ku Inyanza yi ijumbi mu lovega lwi Isavaalu. Yaga nigo ga Yahova, Nyasaye wa Isiraeli yaali ni yasuuviriza kuvitira ku mutumikiri weve muporofeti Jona, muyaayi wa Amitai kutura Gazi-Hefa.

2 Avami 14:25 ပူးပေါင်းရင်းမြစ်များ

Litanga 14:3

Avami vatano yava valomba lihambana ma nivaganira mu livona lia Siddimu liveeye kalunu inyanza yi jumbi.

1 Avami 8:65

Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

2 Avami 10:32

Mu madiku yago, Yahova yaatanga kogehiza ovonene vwi kivala cha Isiraeli. Mwami Hazaeli wa Siria yaguuta nu kugumira kivala choosi cha Isiraeli,

2 Avami 13:25

Hene yaho, mwami Jehoashi wa Isiraeli yaguuta Benihadadi haali kavaga. Kandi ni yirana kugumira madaala manene agaali ni gagumirwa na Benihadadi ing'inga yu vwamihi vwa Jehoahazi, baba wa Jehoashi.

2 Avami 13:5

Yahova yatumira Isiraeli mwimiliri uwavavoholola kutura ku Vasiria, nandio Visiraeli vamenya mu mirembe kuli maziambiri.

2 Avami 14:24

Yoona ku Yahova nalonda liiva lidamanu liu mwami waali imbiri weve Jeroboamu muyaayi wa Nebati wagira vandu va Isiraeli ni vakora vwoni.

Ezekieli 11:10

kandi na mwitilwi mu vulwani mu kivala chiinyu. Maku vuli mundu namanye ndi inzi mbeeye Yahova.

Amosi 6:14

Yahova Nyasaye Wuvunyali Viosi avoora, “Henza, inzi nziza kutuma iliihi lie ihiiri eng'eni na valamwingilira mu kuvugura kivala chienyu. Iliihi yilio lilamudambiza kutura ha kirivwa cha Hamazi kuduuka ku mugera gwe kereremo cha Araba.”

Jona 1:1

Lidiku lilala, Nyasaye Wuvunyali yamoloma ku Jona Mwana wa Amitai.

Livalidza 13:21

Kunangwa avasaza yava vazia kutunyiriza kolovega lwi ivaale wi kivala kutura mwigendanyama lia Zini kolovega lwisavalu kuduuka Rehobu, himbi nu vwingiliru vwa Hamazi ko lovega lwa Ivaale.

Matayo 16:4

Likula lidamanu munyi, kandi ilitali lisuuvirifu ku Nyasaye, mwenya ekelolekizu kutura ku inzi! Awa! Si mulahevwa ekelolekizu kindi nikitaveeye ekelolekizu chaali cha Jona muporofeti chenyine mba.” Kunangwa, yavaleka nazia.

Kwidzulitsa 3:17

Kolovega lwi imadioli kivala chavo chaduuka ku Mugera gwa Jorodani, kutura kunyanza ya Galilaya mu lovega lwa ivaale kusulunguta kunyanza yi jumbi kolovega lwi isavaalu kandi kuduuka hi wi kiguru cha Pisiga kitangiraa kolovega lwi ivugwi.

Joshua 19:13

Lwazizagilira kolovega lwa Ivugwi kutura ahene yaho kuduuka ku lidaala linene lia Rimoni.