2 Avami 14:10 - KITABU KITAKATIFU

¹⁰ Kalunu Amazia, ivi umali kuguuta Vaedomu, ma wizuyi liigingira. Yaanza wigutizwi nu luyali lulwo kandi omenye hango hoho. Kigira ki utangizi vudinyu no kweretera kivi ku ivi mwene na vandu vovo?”

2 Avami 14:10 ပူးပေါင်းရင်းမြစ်များ

2 Avami 14:7

Amazia yita avasikari vi liihi zielefu likomi va Edomu mu livona liu munyu. Yagumira lidaala linene lia Sela mu vulwani kandi nalilanga Jokizeeli, ilieta lia likikiri nalio kuduuka lero.

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

2 Kyetsinyinga 32:25

Navuzwa Hezekia yaali niliegingira linene ligali kali siyaali unyala kumanya lisandiza ku aga Yahova yaali naamukoleye mba. Ku lwayago, uvutima vwa Yahova vwaduuka kuye, Ivuyuda kandi Jerusalemi.

2 Kyetsinyinga 35:21

Navuzwa mwami Neko yatuma makuva yaga ku mwami Josia kumuvolera, “Vulwani yivu sivoveeye kigira ivi mwami wi Ivuyuda mba. Inzi sinzizi kulwaana ivi, navuzwa kulwaana avasigu vange, na Nyasaye yamboleeye ngole vwangu, kigira aveeye harara na inzi. Kulwayago, utahing'ana na inzi mba, gase alakudiviza.”

Kutwula 8:9

Musa yativura, “Inzi ndava nuvuyanzi kukusaalira olombe ing'inga lwa inzi mba ningusaaliraa, na vatumikiri kandi avandu vovo vosi. Maku amakere galatula ku ivi, na vatumikiri vovo kandi vandu vovo, kandi sililatigala kali lilala ku kivala nigataveeye gaveeye mu mugera gwa Naili mweng'ine vuzwa.”

Tsing'ano 15:18

Vutima vululu voletaa mahangali, navuzwa vwikuziri voletaa mirembe.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 17:14

Litanga lie lihing'ana liveeye kuli ligalira lia mazi; ugigariri nigakiri kuzia ihale.

Tsing'ano 20:3

Mundu musiru atangizaa mahangali, navuzwa voveeye vulahi kweleha kugo.

Tsing'ano 25:8

Utava vwangu kuzia mumayaalo kigira kindu chumali kolola mba. Niiva muloli wundi alavuula uvudamanu vuvwo ulakola kindiki?

Tsing'ano 26:17

Mundu wingira mu lihing'ana litaveeye lilie, aveeye kuli mundu uzizaa kunzira ma agimira matuu gi imbwa.

Tsing'ano 3:30

Utahangalizana nu mundu woosi vugira kivuni, niiva siyakusalirizaa mba.

Ezekieli 28:5

Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Ezekieli 38:17

Ivi niyie uwa ndaamoloma naye zing'inga ziavita lwa ndalandiza kuvitira mu vatumikiri vange, avaporofeti va Isiraeli, ndi mu madiku gaza ndakaleete mundu kwingilira vandu va Isiraeli.” Yahova Wuvunyali umali kovora.

Ezekieli 38:2

Yavoola, “Mwana wu Mundu, oporofete vudamanu vwa Goga, mwamihi munene wi zihiiri zia Mesheki na Tubali mu kivala cha Magogi. Oporofete vudamanu vwivwe,

Ezekieli 38:5

Avandu kutura Pasia, Ezopia kandi Libia vaveeye naye, kandi vosi vaveeye ni zigudwa kandi zikuuti.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Habakuk 2:5

Vutugi voveeye vugadi. Avandu vahuvaalu vaveeye ni liekonya kandi sivituuliraa mba. Vaveeye kuli likuza kigira si vaguuta mba. Nicho kigira nivaguuta zihiiri.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Yakobo 1:9

Mukristayo oveeye mudaka asangale lwa Nyasaye amunenehizaa.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

Vakalagi 9:52

Lwa Abimeleki yaza kuvingilira, yaza naduuka ha muliango, nu kwetegeka kuhambiza umunaara zana nu muliru.