2 Avami 13:6 - KITABU KITAKATIFU

⁶ Kali ndio sivalekela likora uvwoni vwa Jeroboamu yavalomba vakole, navuzwa vazizagilira kovokola; kandi kifananyi chu munyasaye wi kikali Ashera chatigara mu Samaria.

2 Avami 13:6 ပူးပေါင်းရင်းမြစ်များ

1 Avami 14:16

Yahova alaleka Isiraeli kigira Jeroboamu yakola vundamanu naahira vandu va Isiraeli mu vwoni.”

1 Avami 15:3

Yakola vwoni vulala vwere kuli baba weve, kandi siyaali ligali musuuvirifu ku Yahova Nyasaye weve, kuli guuga weve Daudi yaali mba.

1 Avami 16:26

Kuli Jeroboamu muyaayi wa Nebati waali imbiri weve, yavuukiza vutima vwa Yahova Nyasaye wa Isiraeli kigira vwoni vwivwe kandi kigira kwimilira vandu va Isiraeli kokora vwoni na kusigamira vifananyi.

1 Avami 16:33

Yalomba kandi kifananyi chu munyasaye wikikali Ashera. Yakola vindu vi nyingi ligali kuvuukiza vutima vwa Yahova, Nyasaye wa Isiraeli kuvita vausi vandi vosi vaali imbiri weve.

2 Avami 10:29

Navuzwa Jehu siyagirung'ana kutura mu vwoni vwa Jeroboamu muyaayi wa Nebati, uvwa yalomba avandu va Isiraeli kokora mba, lisigamira lie vifananyi vie vimoli vie zahabu ha Bezeli kandi ha Dani.

2 Avami 13:11

Naye kandi yona ku Yahova kandi nalonda umufano mudamanu gwu mwami Jeroboamu, uwakola Isiraeli kuduuka mu likora uvwoni.

2 Avami 13:2

Yakola agaali madamanu mu zimoni zia Yahova kuli mwami Jeroboamu uwaali imbiri weve, kandi nakora avandu va Isiraeli kokora uvwoni, kandi siyaleka zinzira zizie zindamanu mba.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

Isaya 26:10

Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Kwidzulitsa 7:5

Kunangwa, saambuli uvwali vwavo, muvunanyie muvidonye minaara mitakatifu jaavo ja magina, mutemere hasi vifananyi viu munyasaye wavo wikikali ulangwa Ashera kandi musaambe misambwa jaavo.