2 Avami 13:14 - KITABU KITAKATIFU

¹⁴ Muporofeti Elisha yaali mulwaye ligali, kandi lwa yaali naguvaguvaa mwami Jehoashi wa Isiraeli yasulunguta kuzia ku muloraa. Yamulilira navoora, “Baba wange! Baba wange! Ivi waveeye mukingi wi zinguru wa Isiraeli! Ligali uziiyi!”

2 Avami 13:14 ပူးပေါင်းရင်းမြစ်များ

Litanga 48:1

Inyima wa yaga, Josefu yavolerwa ndi baba weve aveeye mulwaye ligali. Kunangwa Josefu yavugula vayaayi veve vaviri, Manase na Efuraimu, ma nazia harara navo kolola baba weve.

Litanga 49:33

Lwa Yakobo yaali ni yakamala kulaga vayaayi veve, yagona ku kidali chiche ma nakuza.

Litanga 50:1

Maku Josefu yagwa ku baba weve, nalira kandi naamuvusa vuusa.

2 Avami 13:12

Ivindu vindi viosi via Jehoashi yakola, komeeda ku vuluviliri vwivwe mu vulwani vwa yalwana nu mwami Amazia wi Ivuyuda viang'odwa mu vitabu via makuva ga kale ga vami va Isiraeli.

2 Avami 13:13

Jehoashi yakuza na yavilwa mu vilindwa viu vwami vwa Samaria. Kandi muyaayi weve Jeroboamu wa kaviri yavugula ovogono vwivwe kuli mwami.

2 Avami 13:15

Elisha yamuvolera, “Vugula uvuta ni mivano.” Jehoashi yavuvugula,

2 Avami 2:12

Na Elisha yalilola ma yalilira Elija, “Baba wange, baba wange! Mukingi wi zinguru zia Isiraeli! Ligali uziiyi!” Kandi siyalola Elija kandi mba. Mu vovereri vonene ligali, Elisha yatandula inguvu yeye yu vusaalisi mu zimbala ziviri.

2 Avami 20:1

Mu madiku yago mwami Hezekia yalwala kandi navuyika ligali. Muporofeti Isaya muyaayi wa Amozi yazia kuye namuvolera, “Yahova akovoleraa; ulungikize makuva gi inyumba yooyo vulahi, kigira uzizaa kukuza; siulahona mba.”

2 Avami 6:21

Lwu mwami wa Isiraeli yalora Vasiria yava, yateeva Elisha, “Nzite avandu yava, mwami wange? Mbiiti?”

Zaburi 12:1

O, Yahova, okokonye! Sihaveeyeho nu mundu kali mulala oveeye mulungi imbiri woovo mba, Avandu valungi vafeeye; avasuuvirifu sivanyala konyoleka hagati havandu mba.

Tsing'ano 11:11

Lidaala ligwizaa linene lwavandu valungi valigasizaa, navuzwa lidivizwaa na makuva gu mundu muchamu.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Ezekieli 14:14

Kali niiva vandu vavaga yava, Nuhu, Danieli na Ayubu vamenyi mu kivala yiki, valahona kigira uvulungi vwavo.” Yahova Wuvunyali umali kovora.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Zekaria 1:5

Avaguuga vinyu kandi avaporofeti yavo sivaveeye mwoyo mba.

Marko 6:20

yaali ni yatia Yohana kigira yamanya aveeye umundu umulahi kandi umutakatifu. Kulwayago yamukinga vulahi. Herodi yayanza kuhuliriza aga Yohana yavoola, kali niiva yaahenda umwoyo ligali ing'inga yoosi yayamuhulirizaa.

Yohana 11:3

Kunangwa, avamwavo yavo vaatuma mundu ku Yeso amuvolere, “Mwami, mulina woovo wa wayanza aveeye mulwaye!”

Vikolwa 13:36

Daudi yaduukiza vulaliri vwa Nyasaye mu madiku geege; ma yakuza, na ateevwa ahimbi na avaguwga veve, nu muviri gwigwe gwagunda.

Vafilipi 2:26

Aveeye ni lienya ligali kolola munyi mwosi, na yaveeye ni liverera kigira munyi mwahulira ndi aveeye umulwaye.