2 Avami 12:9 - KITABU KITAKATIFU

⁹ Maku Jehoyada musaalisi yavugula lisandugu linene nafudula muluhu mu inguniku ya lio, ma naalivika ahimbi nu vwali, ku lovega lwu mukono mulungi lwa mulala yingiraa mu Litembeli. Vasaalisi avaari ku miyinzi ha vwingiliru vaviika mabese goosi aga vahevwa na vasigamiri mu lisandugu.

2 Avami 12:9 ပူးပေါင်းရင်းမြစ်များ

2 Avami 12:8

Kunangwa avasaalisi vavugilira ndi kuvula kuvugura mabese kutura ku vandu, ma kandi vavuli kolomba ahasasuguka mu Litembeli.

2 Avami 22:4

“Zia uduuki ku Musaalisi munene Hilicha na oleete amakuva gi livaliza lia mabese aga vasaalisi vaveeye ku miyinzi ha vwingiliru vwi Litembeli vamali kosolola kutura ku vandu.

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

2 Avami 25:18

Komeeda ku vandu vo munyabara, munene wi liihe lia Nebukadineza yaahira mu kivala chu vuhambe; yaahira kandi Seraya musaalisi munene, Zefania musaalisi olondela musaalisi munene, na vanene vaduukiru vandi vavaga vu mu Litembeli.

1 Kyetsinyinga 15:18

kandi harara navo kuvakonyelera, vatovora muganda gwa kaviri: Zakaria, Jaazieli, Shemiri Amozi, Jehieli, Uni, Eliabu, Benaya, Maaseia, Matizia, Elifelehu, na Mikineia. Valindi vi kirivwa vaali Obedi Edomu na Jeyeli.

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Jeremia 35:4

nimbaleeta mu Litembeli. Ndaavahila mu keng'oze cha aviigi avumuporofeti Hanani mwana wa Igidalia. Keng'oze yicho chaali igulu ku keng'oze cha Maaseia mwana wa Shalumu munene wikivuni mu Litembeli himbi kuving'oze via vanene vandi.

Jeremia 52:24

Komeeda Nebuzaradani, munyabara munene wi liihi, yaahira muvuhambe Seraya musaalisi munene, Zefania musaalisi olondeleri wumusaalisi munene, na avanene vaduukiru vandi vavaga vumu Litembeli.

Marko 12:41

Lwa Yeso yaali niyikaye ahimbi ni livikiru lie Litembeli, yahenza kuli avandu vaviika isadaka mu livikiru. Avatugi avanyingi vahaana mabese manyingi;

Luka 21:1

Lwa Yeso yahenza vulahi, yalora avatugi nivaviika zisadaka ziavo mu livikiru lie Litembeli