2 Avami 12:4 - KITABU KITAKATIFU

⁴ Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

2 Avami 12:4 ပူးပေါင်းရင်းမြစ်များ

1 Avami 3:2

Avandu vaali nivakihaanira Yahova visiuviliru viavo ku vwali vunyingi vwukusigamira vifananyi, kigira Yahova yaali nakikiri kwumbakirwa Litembeli.

1 Avami 3:3

Solomoni yayanza Yahova kandi nalonda amigizu ga baba weve Daudi, navuzwa naye kandi yahaana visiuviliru vivie nukusamba vimuli ha vwali vunyingi vwu kusigamira vifananyi.

1 Avami 7:1

Solomoni kandi yiyumbakira mwene inyumba yu Vwami, na yaamuvugula mihiga likomi na jivaga.

2 Avami 12:18

Mwami Joashi wi Ivuyuda yavugula vihaanwa viosi via vami vosi avaari imbiri weve: Jehoshafati, Joramu, na Ahazia vaali ni vaviika ha lovega ku lwu vutumiki vwa Nyasaye, nameda ku vihaanwa vivie mwene, kandi izahabu yoosi kutura mu mavikiru gi Litembeli kandi gi inyumba yu vwami, ma navituma viosi kuli kihanwa ku mwami Hazaeli, uwamanya natuliza liihe lilie liosi kutura Jerusalemi.

2 Avami 12:5

Vuli musaalisi anyoore mabese kutura ku mulala ku vaviiki, na gatumikirwi kolomba hi litembeli liasasuguka.

2 Avami 14:4

Navuzwa siyasambula havundu hu kusigamira misambwa, na avandu vazizagilira kuhaanira ho visiuviliru nu kusamba kimuli.

2 Avami 15:4

Navuzwa havundu hu kusigamira misambwa sihononywa mba, na vandu vazizagilira kuhaanira ho ivisiuviliru kandi kusamba vimuli.

2 Avami 16:4

Vuli havundu hu kusigamira misambwa, ku vigulu, kandi isi wi misaala mivisi ni ja matu manyingi, Ahazi yahaana visiuviliru kandi navuyiza vimuli.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

2 Avami 22:4

“Zia uduuki ku Musaalisi munene Hilicha na oleete amakuva gi livaliza lia mabese aga vasaalisi vaveeye ku miyinzi ha vwingiliru vwi Litembeli vamali kosolola kutura ku vandu.

1 Kyetsinyinga 18:11

Mwami Daudi yavika viju zana halovega kulwuvutumiki vwa Yahova mu lisigamira harara ni feza, ni zahabu ya yavugula kutura mu zihiiri zia yaguuta - Edomu, Moabu, Amoni, Filisitia, na Vamaleki.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

2 Kyetsinyinga 15:18

Yavika mu Litembeli iviju viosi via baba weve Abija yaali ni yatakasa ku litumika lia Nyasaye, harara ni zahabu, ifeza, kandi iviju viu mwene yatakasa.

2 Kyetsinyinga 31:12

Vavugura vindu viahaanwa: Zizaka ni vindu viatakaswa nivavika mu nu vusuuvirifu. Konani mundu mu Levi munene yavikwa kuva mulindi wi vindu yivi, na Shimei amwavo weve yaali wa 2 kuye mukonyeleri weve.

2 Kyetsinyinga 35:2

Mwami yagavulira avasaalisi miyinzi ja venyeka vakole mu Litembeli, navadinyiriza vulahi.

Ezara 1:6

Avatende vaavo vavakonya ni viju vie ifeza, izahabu, uvutugi, kandi imitugu harara ni viju vindi viu vuguli ovonene, komeeda ku viosi viavaali nivanyooye maziambiri.

Ezara 2:69

Vahaana kolondekana nuvuuyingi vwa mavikiru gaavo kokonyana ku miyinzi yiji. Liehaana liavo liali kuli ndi: Zikilo 500 ziezahabu, zikilo 2,800 zie ifeza kandi ziganza zia vasaalisi 100.

Ezara 7:16

Munyi mulavugula kandi izahabu kandi ifeza yoosi iyamwavungiza kutura mukivala choosi cha Babiloni kandi nivihaanwa via avandu va Isiraeli navasaalisi vaavo vahaana kigira Litembeli lia Nyasaye wavo mu Jerusalemi.

Kutwula 35:22

Vandu vosi vaali nilienya, vombi avakali na vasaza, valeta magina guvuguli, zing'ano ziosi, zimingiri ni viju vindi viosi viezahabu. Vuli mundu yaleeta kindu chi zahabu kuva ikihaanwa ku Yahova.

Kutwula 35:29

Avandu vosi va Isiraeli vakali na vasaza valeta kihanwa ku Yahova, vihaanwa viukwihaana kigira miyinzi josi ja Yahova yavalaga vakole kuvitira ku Musa.

Kutwula 35:5

Mulombe kihanwa ku Yahova. Mundu woosi oveeye nu mwoyo gwukuyaanza kuhaana, aleete kihanwa chizahabu, ifeza nu mugasa;

Kutwula 36:3

Vaavugura kutura ku Musa vihaanwa viosi via avandu va Isiraeli vaali nivaleeti kigira vwumbaki vwi Lihema litakatifu. Navuzwa avandu va Isiraeli vazizagilira koletera Musa vihaanwa viavo vuli mugambazuri.

Kyavalevi 27:31

Niiva umundu aleenya kwirana ku gula kilala kucho, kuduuka atuungi uvuguli vwaviikwa ho nokomeda ku kidieli cha sirini ku mia chu uvuguli vwacho.

Luka 21:4

Avandu yava vosi vaali kuhaana kutura ku vutugi vwavo, navuzwa mukali uyu, mu vudaka vwivwe, uviiki mu livikiru viosi via yaali navio.”