2 Avami 12:3 - KITABU KITAKATIFU

³ Nitali, ha vundu hu kusigamira misambwa sihononywa mba na vandu vazizagilira kuhaanira ho ivisiuviliru kandi kusambira ho vimuli.

2 Avami 12:3 ပူးပေါင်းရင်းမြစ်များ

1 Avami 15:11

Asa yakola gayaanziza Yahova, kuli guuga weve Daudi yakola.

1 Avami 15:14

Kali niiva Asa siyononyia havundu hukusigamira misambwa hoosi, navuzwa yaazizagilira kuva musuuvirifu ku Yahova mu livamwoyo lilie liosi.

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

2 Avami 12:2

Mu livamwoyo lilie liosi yakola agayaanziza Yahova, kigira Jehoyada musaalisi yamwigiza.

2 Avami 14:4

Navuzwa siyasambula havundu hu kusigamira misambwa, na avandu vazizagilira kuhaanira ho visiuviliru nu kusamba kimuli.

2 Avami 15:3

Nalondaa liiva lia baba weve, Amazia, yakola agaali gu kuyaanziza Yahova.

2 Avami 15:35

Navuzwa havundu hu kusigamira misambwa sihononywa mba. Avandu vazizagilira kuhaana visiuviliru nu kusaamba vimuli ahene yaho. Yaali Jozamu uwaakola zinguru kwumbaka kirivwa cha ivaale chi Litembeli lia Yahova.

2 Avami 15:4

Navuzwa havundu hu kusigamira misambwa sihononywa mba, na vandu vazizagilira kuhaanira ho ivisiuviliru kandi kusamba vimuli.

2 Avami 18:3

Yakola agaali malungi mu zimoni zia Yahova kuli Daudi guuga weve yakola.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

2 Kyetsinyinga 31:4

Kandi mwami yalaga avandu vamenyi mu Jerusalemi kuhaana kidieli ku vasaalisi na vandu va Levi, kunangwa vaduuki kwihana aveene ku lilaga lia Yahova.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.