2 Avami 12:21 - KITABU KITAKATIFU

²¹ Vanene zana avamwita vaali Jozakari muyaayi wa Simeazi na Jehozabadi muyaayi wa Shomeri. Joashi yayavirwa mu vilindwa viu vwami mu Lidaala Linene lia Daudi, kandi muyaayi weve Amazia yavugula ovogono vwivwe kuli mwami wi Ivuyuda.

2 Avami 12:21 ပူးပေါင်းရင်းမြစ်များ

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

1 Avami 15:27

Baasha muyaayi wi Ahija we hiiri ya Isaka, yaazira Nadabu hasi ma naamwita lwa Nadabu ni liihi lilie vaali nivakumbiriza lidaala linene lia Gibezoni mu Filisitia.

2 Avami 10:9

Mugambazuri, yazia kuduuka ha kirivwa navolera avandu vaali ho, “Inzi niyie uwaziira mwami Ahabu haasi ma ni mwitaa; navuzwa simuveeye nimbala kandi simunyala kudulwa ku yaga mba. Navuzwa nivwaha wita avandu yava vosi?

2 Avami 13:1

Mu muhiga gwa sirini na tatu gwu vwamihi vwa Joashi muyaayi wa Ahazia kuli mwami wi Ivuyuda, Jehoahazi muyaayi wa Jehu yagwa mwami ku Isiraeli mu lidaala linene lia Samaria. Yamiha ku mihiga komi na Saba.

2 Avami 14:1

Mu muhiga gwa kaviri gwi liamiiha lia Jehoashi muyaayi wa Jehoahazi kuli mwami wa Isiraeli, Amazia muyaayi wa Joashi yagwa mwami wi Ivuyuda.

2 Avami 14:19

Haali ho ni lilohiza lie imbisu mu Jerusalemi ukwita mwami Amazia kunangwa yirukira mu Lidaala lia Lakishi, kunangwa avasigu veve vamulondelera yo ni vamwita.

2 Avami 14:5

Nonoho lwa Amazia yaali ni yakava ni zinguru mu vwami yagumira nukwita avanene vaali ni vita mwami baba weve.

2 Avami 15:10

Shalumu muyaayi wa Jabeshi yaazira mwami Zakaria haasi kandi na mwitira ha Ibuleamu, navugura ovogono vwivwe kuli mwami wa Isiraeli.

2 Avami 9:14

Maku Jehu muyaayi Jehoshafati, mwisukulu wa Nimushi yaazira Joramu haasi. Kunangwa Joramu na vandu va Isiraeli vosi vaali nivalinda lidaala lia Ramozi mu kivala cha Gibadi, kigira Hazaeli mwami wa Siria.

2 Avami 9:27

Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

2 Kyetsinyinga 24:25

Lwi liihi lia vandu va Siria vaatura kuzia, valeka mwami Joashi natumitiywi ligali, navuzwa avanene veve 2 vamwikiruka ni vamwitira mu kidali chiche, kuvaanza kisaalia kigira liitwa lia Zakaria mwana muyaayi wa Jehoyada musaalisi. Yateevwa mu lidaala linene lia Daudi, navuzwa si yateevwa mu virindwa viu vwami mba.