2 Avami 12:18 - KITABU KITAKATIFU

¹⁸ Mwami Joashi wi Ivuyuda yavugula vihaanwa viosi via vami vosi avaari imbiri weve: Jehoshafati, Joramu, na Ahazia vaali ni vaviika ha lovega ku lwu vutumiki vwa Nyasaye, nameda ku vihaanwa vivie mwene, kandi izahabu yoosi kutura mu mavikiru gi Litembeli kandi gi inyumba yu vwami, ma navituma viosi kuli kihanwa ku mwami Hazaeli, uwamanya natuliza liihe lilie liosi kutura Jerusalemi.

2 Avami 12:18 ပူးပေါင်းရင်းမြစ်များ

1 Avami 14:26

Yavugula viju viuvuguli viosi kutura mu Litembeli, kandi munyumba yu vwami, komeeda ku zikuuti zie zahabu zia Solomoni yaali niyalomba.

1 Avami 15:18

Kunangwa mwami Asa yavugula ifeza ni izahabu yoosi yaali yalekwa mu Litembeli nu munyumba yu vwami, ma natuma valala ku vanene veve ku vihila Damasiko, mwami Benihadadi wa Siria muyaayi wa Taburimoni, na mwisukulu wa Hezioni, na makuva yaga:

2 Avami 12:19

Ivindu vindi viosi viu mwami Joashi yakola viang'odwa mu kitabu cha makuva ga kale ga vami vi Ivuyuda.

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

2 Avami 14:14

Yavugula ifeza ni zahabu yoosi ya yaali anyala konyoora, viju viosi viu mu Litembeli kandi mavikiru goosi gu munyumba yu vwami ma navigiinga viosi ukwirana navio Samaria. Yavugula kandi avahambe ni yirana navo.

2 Avami 16:8

Ahazi yavugula ifeza ni zahabu kutura mu Litembeli kandi mu livikiru lie inyumba yu vwami ma nagituma kuli kihanwa ku mwami wa Asiria.

2 Avami 8:12

Hazaeli yateeva “Kigira ki uliraa, munene wange?” Elisha yativura navoora, “Kigira manya vindu vidamanu via waza okole ku vandu va Isiraeli. Ulasaamba zimbinga ziavo nu muliru. Uliita avayaayi vaavo avalahi; ulasionolanyia avana vaavo kuduuka ku likuza, na ulaatanyia avakali vaavo avaveeye ni zinda.”

2 Kyetsinyinga 16:2

Kunangwa mwami Asa yavugula ifeza ni izahabu yoosi yaatigala mu mavikiru gi Litembeli, kandi munyumba yu vwami, navituma Damasiko ku mwami Benihadadi wa Siria na makuva yaga,

2 Kyetsinyinga 24:17

Navuzwa inyima wi likuza lia Jehoyada, aviimiliri vi Ivuyuda vazia ku mwami Joashi ni viinama imbiri weve. Hene yaho, mwami yavahulira.

Joeli 3:5

Mwavugula ifeza nizahabu yange kandi mwaginga uvutugi vwange vwamavikiru nimuhila mu matemberi ginyu.