2 Avami 11:4 - KITABU KITAKATIFU

⁴ Navuzwa mu muhiga gwa saba, Jehoyada musaalisi yalanga avanene vu muganda gwa avasikari valinda uvwami, kandi avalindaa inyumba yu vwami navavoolera vaze kuye mu Litembeli; yavavolera vavugiliri ni liesuuha ku aga yalohizaa kokora. Yavamanyia muyaayi wu mwami Ahazia, Joashi

2 Avami 11:4 ပူးပေါင်းရင်းမြစ်များ

Litanga 50:25

Maku Josefu yateeva avandu veve valombe liesuhiza. Yavoola, “Mundage inzi ndi lwa Nyasaye alimwimirira kuzia mukivala yicho, munyi mulakazie numuviri gwange.”

2 Samweli 20:23

Joabu yaali mwimiliri wi liihi liosi lia Isiraeli; Benaya muyaayi wa Jehoyada yaali mwimiliri wa vasikari vukulinda Daudi;

2 Samweli 8:18

Benaia muyaayi wa Jehoyada yaali musingiliri wa vakerezi na vaperezi, na avayaayi va Daudi vaali avasaalisi.

1 Avami 14:27

Kwilanyia ho viju vindi, mwami Rehoboamu yalomba zikuuti zie migasa kandi naviika mu vulindi vulahi vwa vanene valindanga virivwa vie nyumba yu vwami.

1 Avami 18:10

Ku Yahova oveeye mwoyo, Nyasaye woovo, nzisuha ndi mwami yavodong'ana mukivala choosi na kwenyaa mu lirova. Ing'inga yosi lwu mwamihi wi kivala yaleeta makuva ndi sioveeye mu kivala chiche, Ahabu yateevaa mwamihi oyo yisuuhi ndi ivi sionyoleki mba.

2 Avami 11:17

Jehoyada musaalisi yalomba mwami Joashi harara na vandu va Isiraeli ukwingira mu lilagana hagati haavo na Yahova ndi valava avandu va Yahova. Yalomba lilagana hagati hu mwami na vandu.

2 Avami 11:19

Yavugula avanene va vasikari, na vasikari vu kulinda uvwami, na avasikari vu kulinda inyumba yu vwami, vaheleka mwami kutura mu Litembeli ni vazia munyumba yu vwami, ni vingilira mu kirivwa cha vasikari vu kulinda, ma navugura ovogono vwivwe ku endeve yu vwami.

2 Avami 11:3

Jehosheba yaleeta nu kuvisa Joashi ku mihiga sita mu Litembeli lia Yahova, lwa Azalia yamiha kuli mwami wikikali.

2 Avami 11:9

Vanene va avasikari vaakora kuli Jehoyada musaalisi yavalaga; na sa mulala yaleeta avandu vasaza veve avenyekaa vave ni vaturaa ku miyinzi mu Lisabato, kandi yavo avenyekaa vaze ku miyinzi, ku Jehoyada musaalisi.

2 Avami 12:7

Kunangwa mwami Joashi yalanga Jehoyada harara na avasaalisi vandi navateeva, “Kigira ki mutalomba mwi Litembeli liasasuguka? Kutura kalunu kuzizagilira, simulaviika mabese goosi ga munyoora; mu livikiru mba. Kuduuka mugahaane gaduuki kolomba ahasasuguka mu Litembeli.”

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

1 Kyetsinyinga 9:13

Vosi vaali avasaalisi 1,760. Vaali avandu vu vugeri avaakoraa miyinzi mu Litembeli lia Nyasaye.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 5:12

Aviimiliri vaativura, “Kunyi kulakola kuli ovola. Kuliiranyia imiandu na sikulageliza kuvugura amagovi kandi mba.” Ndaalanga avasaalisi kandi ningora aviimiliri viisuuhi imbiri wavo ukulinda lisuuviriza lia vaali nivisuuhi.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Vikolwa 5:24

Lwa vasaalisi vanene kandi munene wa valindi vi Litembeli vahulira makuva yaga, vaali ni ligenya linene, ni vavura kumanya ichekoleki ku avatumwa.

Vikolwa 5:26

Kunangwa munene wa valindi vi Litembeli harara na avasikari veve vazia mu Litembeli, navaleeta. Sivavagumira ni zinguru mba, kigira vaatia gase avandu valavalasa na magina.

Joshua 24:25

Kunangwa Joshua yalomba lilagana na avandu va Isiraeli ha Shekemu lidiku yilio. Lilagana yilio liali mu na malago kandi miima ja vandu vaduukana valonde.

1 Samweli 18:3

Hene yaho, Jonazani yalomba lilagana liemihiga ni mihiga na Daudi kigira yamuyanza kutura musi mwu mwoyo gwigwe.

1 Samweli 23:18

Vombi vaviri valomba lilagana litakatifu liu vulina. Daudi yamenya ha Horeshi, na Jonazani yazia yengo.