2 Avami 11:12 - KITABU KITAKATIFU

¹² Hene yaho, Jehoyada yaleeta Joashi ichova, ma naviika itaji ku mutwi gwigwe, kandi naamuha malago gamiihaa uvwami. Maku Joashi yavakwa maguta kandi nalandizwa kuva mwami wi Ivuyuda; na vakuba makono gaavo ni vavoola, “Mwami ahindiri!”

2 Avami 11:12 ပူးပေါင်းရင်းမြစ်များ

2 Samweli 1:10

Kunangwa ndaazia kuye nimwiita, kigira ndamanya alakuza lwayagwa hasi. Maku ndaavugura itaji yikivia iyaali ku mutwi gwigwe, nikisambo chaali ku mukono, maku mali kuvileeta imbiri woovo, mwami wange.”

2 Samweli 12:30

Daudi yavugula itaji yi zahabu iyaali nuvulitu vwi zikilo salasini na tano kandi yaali namagina guvuguli vutambi muyo Moleki, umunyasaye wa vandu va Amoni. Daudi yavugula ligina liuvuguli zana kandi yaaliviika ku itaji yeeye. Yavugula kandi vilaanye vinyingi ligali kutura mu lidaala lia Raba.

2 Samweli 16:16

Lwa Hushai, mulina musuuvirifu wa Daudi yagana na Abisolomu, yahanzuka, “Mwami ahindiri! Mwami ahindiri!”

2 Samweli 2:4

Maku avasaza vi Ivuyuda vazia Heburoni nivavaka Daudi amaguta kuva mwami. Lwa Daudi yahulira ndi avandu va Jabeshi mu Gileadi vaali kuyavira Saolo

2 Samweli 2:7

Muve nizinguru kandi avaluviriri! Saolo, mwami winyu umali kukuza, kandi avandu vi Ivuyuda vamali kumbaka amaguta kuva mwami wavo.”

2 Samweli 5:3

Kunangwa aviimiliri vosi va Isiraeli vaza ku mwami Daudi ha Heburoni. Yalomba lilagana litakatifu navo imbiri wa Yahova, kandi vaamuvaka amaguta, nivamukora Mwami wa Isiraeli.

1 Avami 1:25

Lidiku liene linu, uziiyi kuhaana kisiuviriru chi zigiriki zinyingi, nivimoli vinetu kandi amagondi manyingi. Yaali kogenihiza avayaayi vu mwami vosi Joabu munene wi liihi na Abiazari musaalisi. Kulwa kalunu valiza nivanwa harara naye nivavoora, ‘Ahindiri mwami Adonija!’

1 Avami 1:34

aha gaduukanaa Zadoku na Nazani vamuvakiri maguta kuli mwami wa Isiraeli. Ahene yaho, mulakuba kisiriva na muhanzuki, ‘Ahindiri mwami Solomoni!’

1 Avami 1:39

Zadoku yavugula lwiga lwa maguta ga Muzeituni ga yaali naleti kutura mu Lihema liukuvuganira mu na Yahova kandi navaka Solomoni. Vaakuba visiliva, kandi vandu vosi vahanzuka, “Ahindiri mwami Solomoni!”

1 Avami 2:44

Ivi umanyi vulahi ligali vudamanu vwosi vwa wakolera baba wange Daudi. Yahova alakuha mageri kigira gene yago.

2 Avami 11:11

na avasikari valindi vasingira, sa mulala ni viuma viu vulwani vivie mu mukono gwigwe, kutura ku lovega lwi Isavaalu wi Litembeli kuduuka ivaale wi Litembeli, kukumbiriza uvwali, kandi ku kinga mwami.

2 Avami 11:2

Navuzwa Jehosheba, mukaana wu mwami Joramu, mbozo Ahazia, yavugula Joashi muyaayi wa Ahazia, namwiiva kutura ku vayaayi vu mwami avaari himbi kwitwa. Yavugula oyo harara nu muleri weve, navaviika mu keng'oze mu litembeli. Nandio, yamuvisa kutura ku Azalia kunangwa avuli kwitwa.

2 Avami 11:4

Navuzwa mu muhiga gwa saba, Jehoyada musaalisi yalanga avanene vu muganda gwa avasikari valinda uvwami, kandi avalindaa inyumba yu vwami navavoolera vaze kuye mu Litembeli; yavavolera vavugiliri ni liesuuha ku aga yalohizaa kokora. Yavamanyia muyaayi wu mwami Ahazia, Joashi

2 Avami 9:13

Nonoho, avanene vache vaala zinguvu zindambi ziu kwigulu ziavo ku vika, Jehu aduuki kusingira ku, ni vakuba visiliva kandi nivahanzuka, “Jehu aveeye mwami!”

2 Avami 9:3

Mwituliri amaguta ga muzeituni yaga ku mutwi gwigwe, na ovoole, ‘Yahova alandizaa ndi akuvakaa maguta kuva mwami wa Isiraeli.’ Maku utuli ha vundu yaho vwangu kuli unyaliza.”

2 Kyetsinyinga 23:11

Maku Jehoyada yaatuliza Joashi ichova, naviika itaji ku mutwi gwigwe, ma naamuha malago galindaa uvwami. Nandio yakolwa umwami. Musaalisi Jehoyada navayayi veve vaavaka Joashi maguta kugwa mwami, na vandu vandi vosi vahaanzuka, “Mwami ahindiri!”

Esther 2:17

Umwami yamuyanza kuvita vakana vandi vosi, kandi Esiteri yatovolwa mu vandi vosi. Umwami yavika itaji yu vwamihi ku mutwi gwa Esiteri, ma naamukora mukali weve mu vogono vwa Vashiti.

Esther 6:8

leka ziganza ziu vwami ziu mwami mwene yiiviikanga zileetwe, kandi leka ibarasi isiahiywi yu mwami eleetwe.

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 21:3

Ivi waza kuye nuvugasu vonene ligali kandi nuviika itaji yi zahabu indahi ku mutwi gwigwe.

Zaburi 21:4

Yaakoteeva livamwoyo, na ivi wamuha, wamuha livamwoyo lie mihiga ni mihiga.

Zaburi 47:1

Munyi avandu vosi, mukubi makono kigira uvusangari! Mwizominye Nyasaye ku liemba zinyimbu.

Zaburi 78:5

Yahaana malago ku vandu va Isiraeli kandi Lilaga ku visukululwi via Yakobo. Yalaga avaguuga viitu vigizi avana vaavo amalago geege;

Zaburi 89:39

Umali kuvunaga lilagana liilio lia walomba nu mutumikiri woovo, kandi umali kusiuva itaji yeeye mu luguchi.

Zaburi 98:8

Munyi migera, mukubi makono ginyu! Munyi vigulu, mwimbi harara, nuvusangali imbiri wa Yahova,

Kutwula 25:16

Maku ulavika amagina gaviri ga malago gandikuha mulisandugu.

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Isaya 8:16

Munyi, aviigi vange geenya mulindi kandi kuviki amakuva ga Nyasaye amali kumba.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Danyeli 3:9

Vavoolera mwami Nebukadineza, “O, mwami uhindili mihiga ni mihiga.

Danyeli 6:21

Danieli yativura navoora, “O, mwami uhindiri mihiga ni mihiga.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Matayo 27:29

Maku vanava itaji ya mafwa, ni vamuvika ku mutwi gwigwe na, vamuviikira imbimbu mu mukono gwigwe umulungi, ma vasigama imbiri weve ni vamukolera ekehenyahenye. Vavoola, “Ahindiri Mwami wa Vayuda!”

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

2 Vakorintho 1:21

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta;

Vahebraina 1:9

Ivi uyanzaa vulungi na udunyiraa uvudamanu. Yicho nicho kigira Nyasaye, Nyasaye woovo, umali kokotovola nu kukuvaka maguta, kandi umali kuhaana ku ivi uvusangari vwu luyali voveeye vonene kuvita avache vovo.”

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 10:24

Samweli yavolera vandu yavo, “Uyu niyie musaza wa Yahova atovooye! Sihaveeye ho nu wundi hagati hiitu oveeye kuli uyu mba.” Avandu vosi vahaanzuka nu mwoyo munene nivavoora, “Mwami ahindiri!”

1 Samweli 16:13

Samweli yavugula lwiga lwa maguta ga muzeituni navaka Daudi amaguta imbiri wa vamwavo veve. Nonoho, Roho wa Yahova yagumira Daudi kandi yaali naye kutura ing'inga yeyo. Maku Samweli yirana Rama.