2 Avami 11:1 - KITABU KITAKATIFU

¹ Nonoho, lwa Azalia, mama wu mwami Ahazia yamanya ndi muyaayi weve ukuzi, yahaana malago ndi avinyumba yu vwami vosi kuduuka viitwi.

2 Avami 11:1 ပူးပေါင်းရင်းမြစ်များ

Litanga 9:5

Niiva umundu woosi aliita wundi, alakahevwe mageri. Inzi ndakahaane mageri gi likuza ku inyama yoosi iyiita umundu.

Litanga 9:6

Umundu yalombwa kuli lifwana lia Nyasaye, kunangwa mundu woosi wita wundu aliitwa ndio nuwache.

1 Avami 1:12

Kunangwa kalunu, mwaza ngohezanga iganagani uduuki kuhonya livamwoyo liilio kandi liu muyaayi woovo Solomoni.

1 Avami 2:44

Ivi umanyi vulahi ligali vudamanu vwosi vwa wakolera baba wange Daudi. Yahova alakuha mageri kigira gene yago.

2 Avami 10:36

Jehu yamiha mu Samaria kuli mwami wa Isiraeli ku mihiga sirini na nane.

2 Avami 10:7

Lwa vanyoola ibarwa ya Jehu, aviimiliri va Samaria vita visukululwi vosi sabwini va Ahabu; ni vaviika mitwi jaavo mu vihinda ma nivagihira ku Jehu ha Jezireeli.

2 Avami 12:1

Mu muhiga gwa saba gwi liamiiha liu mwami Jehu wa Isiraeli, Joashi yagwa mwami wi Ivuyuda, na Yamiha mu Jerusalemi ku mihiga arubaini. Mama weve yaali Zibia kutura mu lidaala linene lia Beerisheba.

2 Avami 25:25

Navuzwa mu mweli gwa saba gwu muhiga yigwo, Ishimaeli muyaayi wa Nezania, mwisukulu wa Elishama, waali mulala ku vinyumba yu vwami, yazia Mizipa na vasaza likomi, niyingilira Gedalia nu kumwiita. Yita kandi Visiraeli na Vababilonia avaari yo harara na Gedalia.

2 Avami 8:26

naveeye ni mihiga sirini na mbili, na yamiha mu Jerusalemi ku muhiga mulala. Mama weve yaali Azalia mukaana wu Mwami Ahabu mwisukulu wa Omuri.

2 Avami 9:27

Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

2 Kyetsinyinga 24:7

Kigira avana vayaayi va Azalia, uwaali mudamanu vononya Litembeli lia Nyasaye, kandi yatumikira iviju vinyingi viatakaswa mu lisigamira Baali.

Jeremia 41:1

Mu mweli gwa saba mu muhiga yigwo, Ishimaeli mwana wa Nezania mwisukulu wa Elishama, mulala ku avinyumba yu vwami kandi mulala ku vatumikiri avanene vu mwami vazia Mizipa harara numuganda gwa avandu likomi kolola Gedalia. Ing'inga lwa vaali nivaliiza chukulia harara,

Matayo 2:13

Lwa avageri yavo vaali nivakazia, henza, engelosi wu Mwami yaloleka ku Josefu mu maloto namuvolera, “Vuka, uvuguli umwana harara na mama weve, wiruki uzie Egebeti. Omenye yo kuduuka lwa ndikovoolera, kigira Herodi azizaa kwenyeleriza umwana uyu kuduuka amwiti.”

Matayo 2:16

Lwa Herodi yalora vageri vaamugadi, yavihilirwa ligali ma yaatuliza lilago ndi avana vayaayi vosi vu mulidaala lia Bezelehemu na vikivala chaali ahimbi, viitwi; avaari nivaduuki mihiga giviri kandi vosi avaari nivakikiri kuduuka. Yaga gaakolwa kolondekana ning'inga ya vaali vamuvooleye.

Vakalagi 9:5

Yazia munyumba ya baba weve ha Ofura, niyiita avamwavo veve sabwini, avana va Gidioni, natumikira ligina lilala. Navuzwa Jozamu, umuyaayi wa Gidioni mukogoti yaatigara kigira yaali niyivisi.