2 Avami 10:6 - KITABU KITAKATIFU

⁶ Jehu yavang'odera ibarwa yindi na ibarwa zana yavoola: “Niiva muveeye harara ninzi, na mwetegeki kolonda malago gange, leeti imitwi ja visukululwi vu mwami Ahabu ku inzi ha Jezireeli ku ing'inga kuli yiyi mugamba.” Visukululwi sabwini vu mwami Ahabu, vaali hasi huvulindi vwa vakulundu vaduukiru va Samaria, avaari nivavavirukizaa.

2 Avami 10:6 ပူးပေါင်းရင်းမြစ်များ

2 Avami 10:5

Kunangwa munene wasingilira inyumba yu vwami kandi munene wasingilira lidaala linene, harara na vakulundu na valeli vatuma amakuva yaga ku Jehu ni vavoola, “Kunyi koveeye avatumikiri vovo na kwetegeki kokora kindu choosi cha avoora. Navuzwa sikulatovola mundu kuva mwami mba; kola icha uganaganaa kuva kilahi ligali kuvita viosi.”

2 Avami 10:7

Lwa vanyoola ibarwa ya Jehu, aviimiliri va Samaria vita visukululwi vosi sabwini va Ahabu; ni vaviika mitwi jaavo mu vihinda ma nivagihira ku Jehu ha Jezireeli.

2 Avami 10:9

Mugambazuri, yazia kuduuka ha kirivwa navolera avandu vaali ho, “Inzi niyie uwaziira mwami Ahabu haasi ma ni mwitaa; navuzwa simuveeye nimbala kandi simunyala kudulwa ku yaga mba. Navuzwa nivwaha wita avandu yava vosi?

2 Avami 9:32

Jehu ya henza igulu nahanzuka, “Nivwaha oveeye ku lovega lwange?” Vanene vaviri anoho vavaga vu munyumba yu vwami vamuhenzera mu lidirisha.

Ayubu 21:19

“Munyi muvooraa, ‘Nyasaye ahaanaa mageri ku avana kigira uvwoni vwa avababa vaavo.’ Awa! Leki Nyasaye ahaane mageri ku avoni vene; leki amanyie ndi akolaa ndio kigira uvwoni vwavo.

Livalidza 25:4

kandi na volera Musa, “Vugula aviimiliri vosi va Isiraeli, uviiti mbasu, maku sindava nu vutima ku vandu va Isiraeli mba.”

Matayo 12:30

“Ku vosi utahambana ninzi ahing'anaa ninzi; kandi ku vosi utavungizaa harara ninzi asalanyia ligali.

Luka 9:50

Yeso yavoola, “Mutamugayi mba, Kigira ku vosi utahing'anaa ni munyi aveeye kolovega lwinyu.”

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.