2 Avami 10:19 - KITABU KITAKATIFU

¹⁹ Kulwayago, naangili harara avaporofeti va Baali vosi, vosi avamusigamiraa, kandi avasaalisi veve vosi, mulala atasuva kuva ho mba, kigira mbeeye ni kisiuviriru kenene ku Baali; ku vosi uvula kuva ho aliitwa.” Navuzwa Jehu yakola yaga no vogeri vwu vugadi aduuki kwiita avasigamiraa Baali.

2 Avami 10:19 ပူးပေါင်းရင်းမြစ်များ

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

2 Avami 10:18

Jehu yalanga avandu va Samaria harara navoora, “Mwami Ahabu yatumikira munyasaye Baali hake vuzwa, navuzwa inzi ndamutumikira hanene ligali.

2 Avami 3:13

Elisha yavolera mwami wa Isiraeli, “Kigira ki ngokonye? Zia uteeve avaporofeti yavo ava baba na mama woovo vateeva.” Navuzwa Joramu mwami wa Isiraeli yativura, “Awa! Yahova niyie uviiki kunyi avami vavaga hasi hi zinguru ziu mwami wa Moabu.”

Ayubu 13:7

Kigira ki munyi muvooraa ovovehi? Muganaganaa uvugadi vwinyu vulakonya Nyasaye?

Tsing'ano 29:5

Mundu ugadaa valina veve yetegeraa mutego mwene.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

1 Vatesalonike 2:3

Ligoonya lietu ku munyi si litulaa ku matava, anoho ku zing'anagani zindamanu, anoho sikugerizaa kugaada mundu vosi mba.