2 Avami 10:18 - KITABU KITAKATIFU

¹⁸ Jehu yalanga avandu va Samaria harara navoora, “Mwami Ahabu yatumikira munyasaye Baali hake vuzwa, navuzwa inzi ndamutumikira hanene ligali.

2 Avami 10:18 ပူးပေါင်းရင်းမြစ်များ

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 18:22

Maku Elija yavoola, “Inzi niyie muporofeti wa Yahova weng'ine watigala mwoyo. Navuzwa muveeye na vaporofeti 450 va Baali.

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 3:2

Joramu yakola gaali uvwoni mu zimoni zia Yahova Nyasaye, navuzwa siyaali mudamanu kuli baba na mama weve Jezebeli mba. Yasambula munara gwa Baali, kifananyi cha baba weve yaali na lombi kigira lisigamira lia Baali.

Ayubu 13:7

Kigira ki munyi muvooraa ovovehi? Muganaganaa uvugadi vwinyu vulakonya Nyasaye?

Varumi 3:8

Kunangwa kigira ki kutavoola, “Leki kokole uvudamanu kuduuki konyoora uvulahi!” Avandu valala vamali konyega nu kunzala nokovoora makuva malala meele valakalagilwa kuli gaduukanaa.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.