2 Avami 10:10 - KITABU KITAKATIFU

¹⁰ Yaga gamanyia ndi vindu viosi via Yahova yavoola ku visukululwi va Ahabu galava agiligali. Yahova umali kokora agayasuuviriza kuvitira ku muporofeti weve Elija.”

2 Avami 10:10 ပူးပေါင်းရင်းမြစ်များ

1 Avami 21:19

Muvoolere ndi Inzi, Yahova, muvooleraga, ‘Inyima wukwita mundu, ivi uvugura miandu jije kandi?’ Umuvolere ndi yaganigo ga mboraa: ‘Havundu he zimbwa ziakombera masahi ga Nabozi, zilakombera ho masahi googo!’ ”

1 Avami 21:29

“Ukaloli kuli Ahabu yegehizi umwene imbiri wange? Kigira umali kokora yaga, sindaleeta kivi kuye mu ing'inga yi livamwoyo lilie mba; galakave mu ing'inga yi livamwoyo liu muyaayi weve lwa ndileeta kivi ku vinyumba ya Ahabu.”

2 Avami 10:17

Lwa vaduuka yo, Jehu yita aviiko va Ahabu vatigara vosi vugira kutigaliza kali mulala mwoyo. Yaga nigo ga Yahova yaali ni yavolera Elija ndi galakekoleke.

2 Avami 15:12

Kunangwa lilaga yili liadukizwa ilia Yahova yaali ni yalomba ku mwami Jehu: “Visukululwi vovo, kuduuka ku likula lia kane, valava avami va Isiraeli.”

2 Avami 9:36

Lwa vaavoolera Jehu amakuva yaga, yavoola, “Yaga nigo ga Yahova yavoola kuvitira ku tumikiri weve Elija; ‘Zimbwa zilakalie muviri gwa Jezebeli mu kivala cha Jezireeli.

Esther 6:10

Maku mwami yavolera Hamani, “Kola vwangu ligali oleete ziganza ziu vwami harara ni barasi, na uhaane uluyali yilu ku Modekai, Muyuda. Mukolere vindu viosi via ivi umali kovora. Yikaye ha kirivwa chinyumba yu vwami.”

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”

Marko 13:31

Ligulu ni lirova vilavita navuzwa amakuva gange sigalavita mba.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”

1 Samweli 3:19

Samweli yaviruka, Yahova yaali naye kandi naakora vindu viosi via Samweli yavoola kuva vieligali.