2 Avami 1:9 - KITABU KITAKATIFU

⁹ Maku Mwami yatuma munene mulala na vasaza 50. Kugumira Elija. Munene zana yamunyola niyikaye ku kiguru kandi yamuvolera, “Mundu wa Nyasaye, mwami akulangaa uzie kuye, na umolome naye.”

2 Avami 1:9 ပူးပေါင်းရင်းမြစ်များ

1 Avami 17:18

Mukunzakali uyu yavolera Elija, “Mundu wa Nyasaye, kigira ki nokora yaga ku inzi? Waza hano kwizuliza Nyasaye vwoni vwange no koleta likuza liu muyaayi wange?”

1 Avami 18:10

Ku Yahova oveeye mwoyo, Nyasaye woovo, nzisuha ndi mwami yavodong'ana mukivala choosi na kwenyaa mu lirova. Ing'inga yosi lwu mwamihi wi kivala yaleeta makuva ndi sioveeye mu kivala chiche, Ahabu yateevaa mwamihi oyo yisuuhi ndi ivi sionyoleki mba.

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 18:42

Lwa Ahabu yazia kulia, Elija yanina kondogozi yi kiguru cha Karimeli lwa yinama hasi ku marova, umutwi gwigwe nigoveeye hagati ha maru geege.

1 Avami 19:2

Jezebeli yatuma makuva ku Elija navoora, “Avanyasaye vanzite niiva mugamba kuduuka ku ing'inga yiyi sindakola ku ivi kindu kilala chere cho okoli ku avaporofeti mba.”

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

2 Avami 2:25

Elisha yaazizagilira kuzia ku kiguru cha Karimeli, na lwi nyima yirana Samaria.

2 Avami 4:25

Kunangwa, yazia ku kiguru cha Karimeli uwa Elisha yaali naziiyi. Elisha yamulola nakikiri ihale, kandi navolera mutumikiri weve Gehazi, “Henza, nguyio mukali kutura Shunemu yaazaa!

Jeremia 35:4

nimbaleeta mu Litembeli. Ndaavahila mu keng'oze cha aviigi avumuporofeti Hanani mwana wa Igidalia. Keng'oze yicho chaali igulu ku keng'oze cha Maaseia mwana wa Shalumu munene wikivuni mu Litembeli himbi kuving'oze via vanene vandi.

Amosi 7:12

Maku Amazia yavolera Amosi, “Oh, ivi muporofeti, wiruki uzie mu kivala chicho chi Ivuyuda wilwaze yo, na oleke vakutuungi ku vwilwazi vuvwo.

Matayo 14:3

Herodi yaali nalagi Yohana agumirwi, kandi avofwi ni minyororo ma naviikwa muvuhambe. Yaali naakori agene yaga kigira Herodia, umukali wa Filipo amwavo weve.

Matayo 26:68

vavoola, “Koporofetere Mesia! Kovolere nivwaha ukuduyi!”

Matayo 27:29

Maku vanava itaji ya mafwa, ni vamuvika ku mutwi gwigwe na, vamuviikira imbimbu mu mukono gwigwe umulungi, ma vasigama imbiri weve ni vamukolera ekehenyahenye. Vavoola, “Ahindiri Mwami wa Vayuda!”

Marko 15:29

Avandu vavita ahene yaho vaamunyega, vasung'usa imitwi jaavo nivavoora, “Ehe! Ivi waali niwenya usambuli Litembeli kandi uliumbaka ku madiku gavaga!

Marko 15:32

Leki kolole Kristo, Mwami wa Isiraeli yiki kutura ku musalaba kalunu kunangwa kuduuki kumulora nukumusuuvira!” Kali avandi avavambwa harara naye vaamunyega.

Luka 9:54

Lwa aviigi veve, Yakobo na Yohana, valora ndio vavoola, “Mwami wenyaa kulange muliru gwiki kutura mwigulu guvasambe?”

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;

1 Samweli 19:21

Lwa Saolo yahulira makuva yaga, yatuma vatumwa vandi, navo vatanga koporofeta kandi. Yatuma vatumwa ing'inga yakavaga ni kindu kilala chere chekoleka kuvo.