2 Avami 1:11 - KITABU KITAKATIFU

¹¹ Mwami yatuma munene wundi na avasaza veve 50, avanigira nivavolera Elija, “Mundu wa Nyasaye, mwami alaangaa ivi wiki vwangu!”

2 Avami 1:11 ပူးပေါင်းရင်းမြစ်များ

2 Avami 1:10

Elija yativulira munene oyo navoora, “Niiva inzi mbeeye mundu wa Nyasaye, leka muliru gwiki kutura mwigulu na gukwiiti harara na vasaza vovo va oveeye navo!” Nonoho muliru gwika nigwiita munene oyo na vasaza veve.

2 Avami 1:12

Navuzwa Elija yativura, “Niiva mbeeye mundu wa Nyasaye, leka muliru gwiiki kutura mwigulu na gukwiiti, ivi harara na avasaza vovo va oveeye navo!” Nonoho muliru gwiika haasi ma nigwiita munene zana na vasaza veve.

Tsing'ano 29:12

Niiva mwami ahulirizaa makuva go vovehi, avanene veve vosi valava vavehi.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Livalidza 16:41

Lidiku lialondaku, avandu vosi vigaana kigira Musa na Haruni nivavoora, “Mumali kwita valala ku vandu va Yahova.”

Matayo 2:16

Lwa Herodi yalora vageri vaamugadi, yavihilirwa ligali ma yaatuliza lilago ndi avana vayaayi vosi vu mulidaala lia Bezelehemu na vikivala chaali ahimbi, viitwi; avaari nivaduuki mihiga giviri kandi vosi avaari nivakikiri kuduuka. Yaga gaakolwa kolondekana ning'inga ya vaali vamuvooleye.

1 Samweli 6:9

Kunangwa muhenze kuli lilazia. Niiva lizia lovega loheenza lidaala lia Bezi-shemeshi, yaga gaveeye kovora ndi, ni Nyasaye wa vandu va Isiraeli umali kutuma amaduywa gukutihiza yaga ku kunyi. Navuzwa nilitazia yo, ahene yaho kulamanya ndi siyatuma maduywa yaga mba. Gaali vuzwa ameegendera.”