1 Yohana 4:6 - KITABU KITAKATIFU

⁶ Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

1 Yohana 4:6 ပူးပေါင်းရင်းမြစ်များ

2 Kyetsinyinga 18:21

Roho zana gwativula, ‘Ndazia kokora avaporofeti vosi va Ahabu vavoole ovovehi.’ Yahova yavoola, ‘Zia na umugaade. Ivi ulanyala.’ ”

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 10:3

Mulindi wi kirivwa amwiguliraa, kandi magondi gahulira mwoyo gwigwe lwa alaangaa sia lilala ku lieta lialio, ma agimiliraa kugatuliza ichova.

Yohana 13:20

Muvooleraa agiligali, ku vosi, uvugilira oyo wa inzi nduma, avugiliraa inzi, naye uvugilira inzi avugiliraa oyo uwanduma.”

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Yohana 8:19

Kunangwa vamuteeva, “Baba woovo aveeye hayi?” Yeso yavativulira, “Munyi si mu mananyi inzi, kandi simumanyi anoho Baba wange mba. Mulava ni mwamanya ngano mwamanya Baba wange kandi.”

Yohana 8:23

Yeso yavativulira, “Munyi muveeye avandu va hasi mu kivala yiki, navuzwa inzi nduraa igulu mwigulu. Munyi muturaa mu kivala yiki, navuzwa inzi sindulaa mu kivala yiki mba.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 11:8

Kuli Mang'oda Matakatifu gavoora, “Nyasaye yavaha zing'anagani ziavo ni mioyo jaavo kugwa linagandi; kali kuduuka lidiku lia kalunu sivanyala kolola ni zimoni ziavo, anoho kuhulira na matu igaavo mba.”

1 Vakorintho 14:37

Niiva umundu woosi aliganagana kuva muporofeti anoho ave ni kihanwa cha Roho, gaduukanaa amanye ndi ga mung'oderaa gaveeye amalago gu Mwami.

2 Vakorintho 10:7

Munyi muheezaa vuzwa ku ligondo lie ichova wi vindu. Mundu ku vosi niyiganagana umwene kuva aveeye muduukiru umutumikiri wa Kristo, gamudukira yiganagane umwene kigira kuli oyo aveeye wa Kristo, kunyi kandi koveeye ndio.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

2 Petro 3:2

Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Yohana 4:8

Umundu utaveeye nu vuyanzi siamanyi Nyasaye mba, kigira Nyasaye aveeye uvuyanzi.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.