1 Yohana 4:1 - KITABU KITAKATIFU

¹ Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

1 Yohana 4:1 ပူးပေါင်းရင်းမြစ်များ

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

Tsing'ano 14:15

Mundu musiru asuviraa kindu choosi, navuzwa mundu mugeri yilindaa mu ligenda lilie.

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 23:16

Yahova Wuvunyali yavolera avandu va Jerusalemi, “Mutahuliriza aga vaporofeti vavoola; vamuvolera lisuuvirizwa liuvugadi. Vamuvolera agavamali kuganagana, sigaveeye aga inzi mali kovora mba.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Marko 13:21

“Niiva umundu alakovolera, ‘Henza! Mesia nguyu aveeye hano!’ Anoho, ‘Henza! Ngula aveeye hala!’ Mutasuuvira mba.

Luka 12:57

“Kigira ki simunyala kukalaga aveene agaveeye amalungi kokora?

Luka 21:8

Yeso yaavativula, “Mugerihi mutagadwa mba. Kigira avanyingi valaza mu lieta liange, nivavoora, ‘Inzi niyie,’ kandi, ‘Ing'inga eveeye ahimbi,’ Mutavalonda mba.

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Vikolwa 20:29

Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba.

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 14:29

Yavo avaveeye ni kihanwa cho voporofeti, muleke vamolome vaviri anoho vavaga. Vamolome na vandi vahulirizi makuva gavavoola.

1 Vatesalonike 5:20

Mutachaya amakuva go voporofeti mba,

1 Vatesalonike 5:21

mugerizi vindu viosi, mugumiri vudinyu ligali yiki ekeveeye kilahi:

2 Vatesalonike 2:2

muvuli kogoyaanywa vwangu muziganagani anoho kohendizwa umwoyo ni livoora lia vandu ndi Lidiku liu Mwami limali kuduuka. Hawundi gaganaganwa ndi kwavoola yaga lwa kwilwazaa anoho kwaporofetaa; anoho lwa kwaling'oda mu ibarwa.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 2:18

Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.

1 Yohana 2:7

Avalina vange avayaanze, si mung'oderaa lilaga lihia; navuzwa lilaga lia kale lia mwali nalio kutura mu litanga. Lilaga lia kale yili liveeye likuva lia mwahulira.

2 Yohana 1:7

Avagaadi vanyingi vamali kulanda mu lirova, liosi na avandu yava nivo avavura kwiyama ndi Yeso Kristo yaazaa mu liiva liu umundu. Umundu kuli uyu aveeye umugadi kandi umusigu wa Kristo.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.