1 Yohana 3:8 - KITABU KITAKATIFU

⁸ Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

1 Yohana 3:8 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Livalidza 21:9

Maku Musa yalomba enzoka yu mugasa na viika kumusaala. Mundu woosi waali nalumiywi niyaheenzaa konzoka yu mugasa yiyi, yahona.

Matayo 12:28

Navuzwa inzi niimba ni ngungaa amademoni kuzinguru zia Roho wa Nyasaye, kunangwa mumanye ndi uvwami vwa Nyasaye vumali kuduuka ku munyi.

Matayo 13:38

Mulimi ni kivala. Uvuguza vulahi na avandu vu Vwami vwu mwigulu. Navuzwa amavanze ni avana vu Mudamanu.

Matayo 4:3

Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Marko 1:24

“Ukwenya ki, Yeso wa Nazareti? Wenyaa kukudiviza? Inzi ngumanyi vulahi vwene. Ivi oveeye mutumwa mutakatifu wa Nyasaye!”

Luka 10:18

Yeso yavativulira, “Ndaalora Setani niyaguluka kutura mwigulu kuli oloheni.

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Yohana 16:11

Vaveeye avadamanu ku likalaga, kigira Nyasaye umali kukalagira umwamihi wa avumukivala yiki.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vakolosai 2:15

Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

1 Yohana 1:2

Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:5

Mwamanya Kristo yaloleka aduuki kutulizaho uvwoni vwitu; kandi uvwoni sivoveeye muye mba.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.