1 Yohana 3:3 - KITABU KITAKATIFU

³ Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 3:3 ပူးပေါင်းရင်းမြစ်များ

2 Samweli 22:27

Oveeye mulungi ku yavo avaveeye valungi. Navuzwa oveeye mululu ku yavo avachamu.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Luka 6:36

Muve ni zimbavasi kuli Baba winyu aveeye ni zimbavasi.

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 15:12

Isaya avoora “Kisukururwi cha Jese kilaloleka; kilaaza kwamiiha vandu vizihiiri, kandi navo valaviika lisuuvirizwa liavo muye.”

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 1:15

Nitali kuli Nyasaye wamulanga aveeye mutakatifu, kandi munyi muve avatakatifu ndio mu liiva liosi.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

1 Yohana 2:6

Oyo ovola amenyi mu Nyasaye gamudukira amenye kuli Kristo yamenya.

1 Yohana 4:17

Kigira yaga uvuyanzi vokoleywe uvudukiru mu kunyi kunangwa kuduuki konyoora uvuluviliri ku Lidiku lie Likalaga; na kulava nalio kigira livamwoyo lietu mu kivala yiki liveeye lilala liere kuli lia Kristo.