1 Yohana 3:15 - KITABU KITAKATIFU

¹⁵ Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.

1 Yohana 3:15 ပူးပေါင်းရင်းမြစ်များ

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Marko 6:19

Maku Herodia yavugula uvutima ovonene ku Yohana, niyenya kumwita, navuzwa si yanyala mba kigira Herodi

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vikolwa 23:12

Lwa vwacha, Avayuda vavugana harara nivalohiza kuli vita Paolo. Visuuhizana nivavoora ndi, “Sikunyala kulia anoho kunwa niiva kukikiri kwita Paolo mba.”

Vikolwa 23:14

Maku vazia ku avasaalisi vanene na vakulundu nivavoora, “Kumali kwisuuha liesuuha linene ndi kutalia kindu nikukiri kwita Paolo mba.

Kwidzulitsa 19:11

“Niiva mundu yita musigu mutende weve, ku limuseetera, maku yirukiri mu lilala ku madaala guvuhaliru yaga,

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Yohana 2:11

Navuzwa oyo udunyiraa amwavo weve aveeye mu kisundi; vagenda mukisundi na sivamanyi wa vazizaa mba, kigira kisundi kimali kuvakola vavoku.

1 Yohana 2:9

Oyo ovola aveeye mu vulavu, kandi adunyiraa amwavo weve, akikiri mu kisundi kali kalunu.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”