1 Yohana 2:27 - KITABU KITAKATIFU

²⁷ Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 2:27 ပူးပေါင်းရင်းမြစ်များ

Tsing'ano 28:5

Avandu vadamanu si vamanyi uvulungi mba, navuzwa yavo avasigamiraa Yahova vamanyiriza uvulungi vulahi.

Kyavalevi 7:35

Yiki nicho kedonye chi chukulia kihanwa ku Yahova chaali chahaanwa ku Haruni harara na vayaayi veve ku lidiku lia vavakwa maguta, vatumikiri Yahova kuli avasaalisi.

Livalidza 7:43

Yahaana isahani indala yi ifeza yu vulitu kiloguramu 1.5, ibakuli indala yi ifeza ziguramu 800, kolondekana ni ligera lie Lihema litakatifu. Viombi vizura uvusie vwazuganywa amaguta, kuva kuli vihaanwa viu vuswage.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Yohana 14:16

Nainzi ndateeva Baba, naye alamuha umukonyi wundi, ulimenya nimunyi kazozo.

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

1 Vakorintho 2:12

Kunyi sikwanyoola roho wi lirova yili, navuzwa kwanyoora Roho watumwa kutura ku Nyasaye, kuduuki kumanyiriza vihaanwa viosi via Nyasaye amali kuhaana ku kunyi.

1 Vakorintho 2:13

Kunangwa kunyi sikomolomaa mu makuva no vogeri vwa vandu, navuzwa mumakuva gigizwa na Roho Mutakatifu, kuli kwivaala agiligali gu vutakatifu ku yavo avaveeye na Roho.

2 Vakorintho 1:21

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta;

Vafeso 4:21

Gaveeye havulavu, mwahulira vulahi amakuva geege, kandi kuli avalondi veve mwigizwa agiligali agaveeye mu Yeso.

Vakolosai 2:6

Kunangwa kuli mwa vugula Kristo Yeso kuva Mwami, muzizagiliri komenya ndio muye,

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Vatesalonike 4:9

Sihaveeyeho nikivuni chu ku mung'oderaa ku liyaanza avamwavo vinyu mba munyi aveene mumali kwigizwa na Nyasaye kuli munyala kuyaanzana aveene naveene,

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

2 Yohana 1:2

Agiligali gamenyaa mu kunyi, kandi galava ni kunyi kuduuka mihiga ni mihiga.