1 Yohana 2:15 - KITABU KITAKATIFU

¹⁵ Mutayaanza lirova, anoho kindu choosi chu mu lirova. Niiva mulayaanza lirova, ku simuyaanzaa Baba mba.

1 Yohana 2:15 ပူးပေါင်းရင်းမြစ်များ

Matayo 4:8

Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali.

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Luka 16:13

“Siaveeyeho nu mutumikiri unyala kutumikira avami vaviri kigira, aladunyira mulala na ayaanze wundi anoho alava musuuvirifu ku mulala na alegelize wundi. Simunyala kutumikira Nyasaye kandi mabese mba.”

Yohana 15:19

Niiva mwakaveeye avandu vumukivala, ngano avumukivala vakayaanzi munyi, kuli avandu vaavo vene. Navuzwa kigira munyi si muveeye avumukivala, navuzwa ndamutovora munyi kutura mu avumukivala, kunangwa yiki nicho kivuni kigira avumukivala ni vamudunyira.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Yohana 3:17

Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye?

1 Yohana 4:5

Avaporofeti vu vugadi yava vaveeye vu mu kivala; yaga vavoola agikivala, kandi avumukivala vavahulira.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.